Адмена спрошчанай сістэмы падаткаабкладання дазволіла сабраць з ІП больш падаткаў
Чарговая хваля падатковых змяненняў у 2022 годзе закранула многія катэгорыі плацельшчыкаў, а ў асаблівасці — індывідуальных прадпрымальнікаў.
Многія з іх пазбавіліся магчымасці прымяняць спрошчаную сістэму падаткаабкладання і вымушаныя былі пачаць плаціць падаткі па стаўцы 16%, а не 5%, як раней, піша thinktanks.by.
У выніку за першае паўгоддзе 2022 года дзяржава сабрала на 34% больш падаткаў ад ІП, чым за аналагічны перыяд мінулага года. Гэта нягледзячы на скарачэнне колькасці саміх ІП.
Таксама істотна ўзрасла колькасць прадпрымальнікаў — плацельшчыкаў падаходнага падатку. Такіх стала больш у 4,3 разу, а паступленні ад гэтай катэгорыі выраслі ў 2,6 разу!
Аднак, калі колькасць прадпрымальнікаў працягне скарачацца, часовы рост паступленняў можа змяніцца падзеннем, папярэджваюць эксперты.
![](http://d3kcf2pe5t7rrb.cloudfront.net/img/w732d4webp1/photos/z_2022_08/padatak220811-q2ajr.jpg.webp)
Каментары