Вайна22

Зяленскі: Штодзённыя страты УСУ — каля 30 загінулых і 250 параненых

Страты УСУ ў параўнанні з пікам баявых дзеянняў у маі і чэрвені знізіліся, цяпер штодня ў сярэднім гіне 30 украінскіх вайскоўцаў і 250 атрымліваюць раненні. Пра гэта сказаў прэзідэнт Украіны Уладзімір Зяленскі ў інтэрв'ю The Wall Street Journal.

Пахаванне ўкраінскага вайскоўца ў Кіеве. 18 ліпеня 2022 года. Фота: AP Photo/Efrem Lukatsky

Зяленскі сказаў у інтэрв'ю, што змяненне суадносін агнявой моцы дзякуючы замежным пастаўкам перадавой вайсковай тэхнікі прывяло да таго, што страты УСУ значна зменшыліся ў параўнанні з маем і чэрвенем. Цяпер штодня гінуць у сярэднім 30 украінскіх вайскоўцаў і прыкладна 250 атрымліваюць раненні.

Зяленскі адмовіўся назваць журналістам дакладную колькасць стратаў, якія панесла армія Украіны з пачатку ўварвання, але зноў падкрэсліў, што гэтая колькасць у разы меншая за тыя страты ў асабістым складзе, якія нясе Расія.

Зяленскі таксама пракаментаваў заяву Пуціна, што Украіна нібыта «не настроеная на перамовы»: «Ён прыйшоў сюды, забіў людзей, зрабіў бежанцамі 12 мільёнаў, а цяпер кажа, што Украіна не хоча перамоваў. Яны вось так проста забіваюць людзей, руйнуюць гарады, уваходзяць у іх, а потым кажуць: «Давайце дамаўляцца». З кім яны могуць пасля гэтага пагаварыць? З камянямі? Яны пакрытыя крывёю, і гэтую кроў немагчыма змыць. І мы не дазволім ім яе змыць», — сказаў украінскі прэзідэнт.

Украінцы патрабуюць вызвалення ўсіх акупаваных Расіяй тэрыторый, і толькі пасля таго можна будзе абмяркоўваць, што рабіць далей і як жыць потым. Вядома, украінцы аддалі б перавагу мірнай і бяскроўнай дэакупацыі, але зразумела, што гэта наўрад ці магчыма, улічваючы, з кім яны маюць справу.

«Пакуль яны не атрымліваюць па мордзе, яны наогул нічога не разумеюць», — лічыць Зяленскі.

Ён таксама пракаментаваў прапановы «замарозіць канфлікт»: «Кашалот адкусіў два рэгіёны і цяпер кажа: давайце замарозім канфлікт. Потым ён набярэцца сілаў, праз два-тры гады зноў адкусіць два рэгіёны і зноў скажа: давайце замарозім канфлікт. І так будзе працягвацца зноў і зноў, сто адсоткаў».

Але Пуцін вельмі недаацаніў Украіну, сказаў Зяленскі. «Ён адкрыў пашчу, быццам ён удаў, а мы нейкі трусік. Але мы не трусік, і яму не ўдалося нас праглынуць — затое зараз ёсць рызыка, што ён сам лопне».

Каментары2

  • «Пакуль яны не атрымліваюць па мордзе, яны наогул нічога не разумеюць», — лічыць Зяленскі.
    23.07.2022
    Зяленскі, у люстэрка найперш паглядзі

    "Зяленскі: Штодзённыя страты УСУ — каля 30 загінулых і 250 параненых"
    насамрэч іх больш
    і ўсе яны найперш на твоей совести "политик года по версии..", З%Елен-с-кий

  • стоп рашизм, стоп лукашизм
    23.07.2022
    , опять лукашисты/рашисты повылазили со своей мантрой - «это не мы виноваты, это не мы начали войну, это не мы убиваем…». Какие же вы лживые и лицемерные …

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда2

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку6

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

больш чытаных навін
больш лайканых навін

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда2

Па чатах распаўсюджваюць навіну пра забарону на ўезд беларускіх аўто ў Польшчу. Аднак гэта няпраўда

Галоўнае
Усе навіны →