Ракетны ўдар РФ па Кіеве, верагодна, быў спробай сарваць пастаўкі заходняй зброі — разведка Брытаніі
Расійская ракетная атака на Кіеў у нядзелю раніцай, імаверна, была спробай сарваць пастаўкі Заходняй вайсковай тэхнікі. Пра гэта гаворыцца ў аглядзе Мінабароны Брытаніі, датаваным панядзелкам, паведамляе «Еўрапейская праўда».
«Раніцай 5 чэрвеня расійскія крылатыя ракеты паветранага базавання Х-101 нанеслі ўдар па чыгуначнай інфраструктуры, верагодна, спрабуючы сарваць пастаўкі Заходняй вайсковай тэхнікі ўкраінскім падраздзяленням на перадавой», — гаворыцца ў аглядзе.
Адносна падзей на Данбасе, выведка Брытаніі адзначае жорсткія баі ў Севераданецку і прасоўванне расійскіх войскаў у Славянск у рамках спроб акружыць украінскія сілы.
Па сітуацыі на моры: пасля страты крэйсера «Масква» ў красавіку расійскія сілы, верагодна, перакінулі на востраў Змяіны ў заходняй частцы Чорнага мора некалькі сродкаў супрацьпаветранай абароны, у тым ліку сістэмы SA-15 і SA-22 (ЗРК Тор і ЗРПК Панцыр — С1. — Рэд.).
Верагодна, гэтая зброя прызначаная для супрацьпаветранай абароны расійскіх вайсковых караблёў, якія дзейнічаюць у раёне вострава Змяіны, адзначаецца ў аглядзе.
Актыўнасць Расіі на востраве Змяіны спрыяе блакадзе ўкраінскага ўзбярэжжа і перашкаджае аднаўленню марскога гандлю, у прыватнасці, экспарту ўкраінскага збожжа, лічыць брытанская разведка.
Гнілое, затое нядорага. Як папулісцкі ўказ Лукашэнкі аб абмежаванні нацэнкі ўплывае на ўсіх удзельнікаў ланцужка паставак гародніны4
Каментары