У Мінску не будуць выдаваць візы ў Данію «да далейшага паведамлення»
Дацкае пасольства ў Маскве прыпыніла прыём заяў на візы ад беларусаў, якія падаюць дакументы на тэрыторыі Беларусі, паведамляе візавы цэнтр Даніі ў Мінску.
![](http://d3kcf2pe5t7rrb.cloudfront.net/img/w840d4webp1/photos/z_2022_05/denmark_copenhagen_houses_riverboat_flag_canal_599446_1600x1200-e9m9a.jpg.webp)
Як гаворыцца ў паведамленні, беларусы цяпер не змогуць падавацца ў Мінску на атрыманне кароткатэрміновых віз і відаў на жыхарства ў Данію, акрамя афіцыйных візітаў. Прыём заяў прыпыняецца «да далейшага паведамлення».
Адсочваць навіны аб аднаўленні прыёму прапануецца на сайтах пасольства ў Маскве і візавага цэнтра ў Мінску, а да гэтага часу звяртацца па атрыманне кароткатэрміновых візаў і відаў на жыхарства можна ў візавыя цэнтры іншых краін.
Раней амбасада Даніі ў Маскве з той жа фармулёўкай ужо паведаміла пра прыпыненне прыёму заяў на падачу візаў ад расейцаў.
З сярэдзіны чэрвеня таксама часова не будуць прымаць заявы на атрыманне візаў у Эстонію, Фінляндыю і Швецыю эстонскія візавыя цэнтры ў Беларусі.
Каментары