У Докшыцах жанчына судзілася, каб яе маці запісалі не беларускай, а полькай
Жыхарка Докшыцкага раёна звярнулася ў мясцовы ЗАГС з незвычайнай просьбай — выправіць у пасведчанні аб нараджэнні нацыянальнасць маці з «беларуска» на «полька». Жанчыне ў гэтым адмовілі, і тады яна пайшла ў суд, пішуць «Народныя навіны Віцебска».
21 студзеня падчас пасяджэння суда Докшыцкага раёна высветлілася, што, нягледзячы на тое, што ў пасведчанні аб нараджэнні пазоўніцы маці запісаная беларускай, у такім жа дакуменце яе роднай сястры абодва бацькі пазначаныя палякамі.
У судзе таксама выступілі два сведкі, якія пацвердзілі, што бацькі пазоўніцы сапраўды па нацыянальнасці былі палякамі.
У выніку суд вырашыў задаволіць скаргу жанчыны на адмову органаў ЗАГС унесці выпраўленні ў запіс яе акта аб нараджэнні. Аддзел ЗАГС Докшыцкага райвыканкама абавязалі ўнесці выпраўленні ў запіс акта аб нараджэнні, пазначыўшы ў ім, што нацыянальнасць маці жанчыны — полька.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна10
Каментары