Што вядома пра мужчыну, якога вінавацяць у падрыве аўто каля Цэнтральнага РУУС?
Днямі СК паведаміў, што затрымалі чалавека, які падарваў міліцэйскае аўто каля Цэнтральнага РУУС. Асобу тады не раскрылі, паказалі заблюраны твар. З некалькіх крыніц стала вядома, што арыштаваны — 45-гадовы Максім Селязнёў. Факт затрымання «Нашай Ніве» пацвердзілі яго знаёмыя. Расказваем падрабязнасці.
![](http://d3kcf2pe5t7rrb.cloudfront.net/img/w840d4webp1/photos/z_2022_01/photo_2022-01-15144850-htcu6.jpeg.webp)
Селязнёў мінчук. Мае вышэйшую адукацыю. Мужчына ў разводзе.
Калісьці ён працаваў ахоўнікам, пасля будаўніком. Потым адкрыў ІП — ставіў помнікі на могілках. Апошні час быў беспрацоўным.
Знаёмыя прыгадваюць, што Максім служыў тэрміновую службу ў адной з мінскіх часцей «спецназа».
![](http://d3kcf2pe5t7rrb.cloudfront.net/img/w732d4webp1/photos/z_2022_01/photo_2022-01-15144833-as7jo.jpeg.webp)
Селязнёў жыў побач з Цэнтральным РУУСам — каля таго самага, дзе падарвалі аўто.
Як раней паведамляла міліцыя, здарэнне адбылося ў ноч з 7 на 8 студзеня недалёка ад будынка Цэнтральнага РУУС Мінска. Затрыманы мужчына раней не судзімы. За падрыў аўто заведзена крымінальная справа па артыкуле 289 (акт тэрарызму, учынены паўторна).
![](http://d3kcf2pe5t7rrb.cloudfront.net/img/w732d4webp1/photos/z_2022_01/-m8292.jpg.webp)
Пазней следчыя дадалі, што той жа мужчына ноччу на 13 студзеня нібыта такім жа чынам пашкодзіў кіёск «Табакерка» і урну непадалёк ад дома 91 на Старавіленскім тракце.
Каментары