Лукашэнка даручыў дастаць з-пад платоў на Віцебшчыне усё, што можа рухацца і працаваць, для мадэрнізацыі АПК
Сёння Аляксандр Лукашэнка прадставіў новага кіраўніка Віцебскай вобласці Аляксандра Субоціна. Падчас пасяджэння ён спыніўся на эканамічных паказчыках развіцця рэгіёна.
Па яго словах, валавы рэгіянальны прадукт у вобласці за сем гадоў (з 2014 па 2021 гады там кіраваў Мікалай Шарснёў) скараціўся больш чым на 8%. Гэта адзіны рэгіён, дзе гэты паказчык працягвае зніжацца, таксама змяншаюцца аб’ёмы ўраджаю, пагалоўе буйной рагатай жывёлы, вытворчасць малака і яек.
Таксама Лукашэнка сказаў, што 72% сельскагаспадарчых арганізацый рэгіёна стратныя без дзяржаўнай падтрымкі, а матэрыяльна-тэхнічнай базе АПК востра патрабуецца мадэрнізацыя: колькасць трактароў зменшылася на 10%, а камбайнаў — на 30%.
«Таму даставайце з-пад платоў усё, што можа рухацца і працаваць, і аднаўляйце», — даручыў Лукашэнка.
Каментары