Ні Азаронка, ні Тура. Апублікавалі рэйтынг ТБ-праграм, у топе — «Поле цудаў» і расійскія серыялы
Дзяржаўнае ТБ з гонарам рапартуе пра развіццё аўтарскай журналістыкі. Але ні Азаронак, ні Пуставы, ні Тур, ні большасць прапагандысцкіх фільмаў не трапляюць у топ.
![](http://d3kcf2pe5t7rrb.cloudfront.net/img/w732d4webp1/photos/stock/_bun_nn_20200323-1735-1tbkz.jpg.webp)
Рэйтынг праграм за ліпень апублікаваў marketing.by. Звесткі ім прадаставіла кампанія «Індустрыйныя рашэнні», якая аналізуе тэлепрагляды.
Самымі папулярнымі аказаліся трансляцыя чэмпіянату Еўропы па футболе, расійскія «Весці» і неўміручае «Поле цудаў». За імі — ток-шоу «Прывет, Андрэй» і серыял «Ведзьма». З беларускіх праграм у топ-15 трапілі толькі «Нашы навіны» (10-е месца) і «Трывожная кнопка» (11-е месца, гэта зводка НС і крыміналу).
![](http://d3kcf2pe5t7rrb.cloudfront.net/img/w732d4webp1/photos/z_2021_08/21_5-4t819.jpg.webp)
Найбольшы рэйтынг з беларускіх каналаў мае АНТ. Пасля ідзе Расія-Беларусь, НТВ-Беларусь, Беларусь-1, Мір, СТБ.
Рэйтынг за чэрвень падобны. Але там на першых пазіцыях апынулася інтэрв’ю Маркава з Пратасевічам і прапагандысцкі фільм пра пасадку самалёта. Меркавана, інтарэс быў выкліканы самім скандалам і персонай Пратасевіча, бо іншыя выпускі Маркава не траплялі ў топ.
![](http://d3kcf2pe5t7rrb.cloudfront.net/img/w732d4webp1/photos/z_2021_08/2021-08-11134040-prkea.png.webp)
Яшчэ адзін рэйтынг паказвае, якія з перадач найбольш папулярныя на кожным з каналаў. Вось маніторынг за тыдзень з 26 ліпеня па 1 жніўня. На АНТ лепш за ўсё глядзелі «Поле цудаў», на Беларусь-1 — «Панараму», на СТБ — «Навіны 24 гадзіны», на «Мір» — «Справы судовыя. Новыя гісторыі».
![](http://d3kcf2pe5t7rrb.cloudfront.net/img/w732d4webp1/photos/z_2021_08/2021-08-11134114-wo3ko.png.webp)
Каментары