Жанчына замовіла ў гарадзенца новы касцюм ад Nike, а атрымала паношаны ад Adidas
Замест новага арыгінальнага касцюма Nike гарадзенец прадаў жанчыне паношаны ад Adidas. Пра гэты выпадак выданню «Перспектыва» распавяла афіцыйная прадстаўніца УГКСЭ па Гродзенскай вобласці Алена Місюкевіч.
![](http://d3kcf2pe5t7rrb.cloudfront.net/img/w840d4webp1/photos/z_2021_08/1628257403-fprin.jpg.webp)
На гандлёвай пляцоўцы ў інтэрнэце гамяльчанка знайшла аб'яву аб продажы новага арыгінальнага спартыўнага касцюма гандлёвай маркі Nike. Звязалася з прадаўцом, жыхаром горада Гродна, дамовілася аб цане, аформіла заказ накладной платай. Неўзабаве атрымала пасылку, заплаціўшы за яе 173 рублі. Але яе чакала расчараванне: замест новага Nike, ёй даслалі былы ва ўжыванні спартыўны касцюм Adidas. Пакупніца патэлефанавала прадаўцу і папрасіла вярнуць грошы. Але той адмовіўся. Жанчына звярнулася ў міліцыю. Для вызначэння кошту тавару праваахоўнікі прызначылі судовую таваразнаўчую экспертызу.
Эксперт вызначыў, што касцюм каштуе прыкладна 67,93 беларускага рубля. Паводле высноў судовага эксперта, тавар з'яўляецца былым ва ўжыванні і не адносіцца да арыгінальнай прадукцыі гандлёвай маркі Adidas.
Па гэтым факце міліцыя праводзіць праверку.
Каментары