Па словах канцлера Германіі, у Беларусі «прыхільнасць дэмакратыі літаральна растаптаная нагамі». Меркель выказала салідарнасць з мірнымі дэманстрантамі, піша DW.
![](http://d3kcf2pe5t7rrb.cloudfront.net/img/w732d4webp1/photos/z_2020_08/247082698-4uk3n-ajiaj-7s0fn.jpg.webp)
Меркель непасрэдна закранула сітуацыю ў Беларусі ў сваім штотыднёвым відэападкасце, які быў апублікаваны ў суботу, 12 верасня і прысвечаны Міжнароднаму дню дэмакратыі 15 верасня, заснаваны Генасамблеяй ААН.
«Мы бачым па ўсім свеце, як нават аўтарытарныя сістэмы могуць быць эканамічна паспяховымі і кідаць нам выклік у многіх галінах — у шкоду асноўных правоў», — адзначыла кіраўнік урада Германіі. У якасці прыкладу яна прывяла становішча ў Беларусі, дзе «прыхільнасць дэмакратыі літаральна растаптаная нагамі».
«Мы ўсім сэрцам — разам з мірнымі дэманстрантамі. Захапляе тое, з якой адвагай і рашучасцю яны выходзяць на вуліцы ў абарону свабоды і вяршэнства права», — дадала канцлер.
Каментары