У самага дарагога ў Італіі футбаліста чацвёрты тэст на каранавірус аказаўся станоўчым
![](http://d3kcf2pe5t7rrb.cloudfront.net/img/w732d4webp1/photos/z_2020_04/paulo-dybala-juventus-turin-1565262619-24441-cvlwo.jpg.webp)
Чацвёрты тэст на каранавірус атакуючага паўабаронцы турынскага «Ювентуса» і зборнай Аргенціны Паўла Дыбалы даў станоўчы вынік, паведамляе РБК. Таксама станоўчы тэст здала яго дзяўчына Арыяна Сабаціні.
Пра тое, што ў Дыбалы знойдзены каранавірус, стала вядома яшчэ ў сакавіку. Пазней ён паведаміў, што вылечыўся ад хваробы. У красавіку пара здала зноў трэці тэст на каранавірус, які зноў выявіў вірус.
Зараз футбалісту можа спатрэбіцца больш інтэнсіўнае лячэнне. У прыватнасці, аргенцінцу, верагодна, трэба будзе здаць кроў для аналізу на наяўнасць антыцелаў.
Дыбала з'яўляецца самым дарагім футбалістам чэмпіянату Італіі па версіі партала Transfermarkt. Рынкавы кошт 26-гадовага футбаліста складае €72 млн. Аргенцінец выступае за «Ювентус» з лета 2015 года, куды ён перайшоў з «Палерма» за €40 млн.
Каментары