Былому прэзідэнту Кыргызстана Атамбаеву афіцыйна прад’яўлена абвінавачанне ў забойстве
![](http://d3kcf2pe5t7rrb.cloudfront.net/img/w840d4webp1/photos/z_2019_12/n8advroasq8057ekh4fin2tpbbneftwy-dpd87.jpg.webp)
kremlin.ru
Былому прэзідэнту Кыргызстана Алмазбеку Атамбаеву афіцыйна прадʼяўлена абвінавачанне ў забойстве начальніка службы спецназа Усэна Ніязбекава, паведаміў кіраўнік МУС Кашкар Джунушаліеў, піша Радыё Свабода.
Паводле яго слоў, стрэл, ад якога загінуў Ніязбекаў 7 жніўня падчас штурму дома Атамбаева ў вёсцы Кой-Таш, быў зроблены са снайперскай вінтоўкі, аформленай асабіста на Атамбаева. Ніязбекаў атрымаў кулявое раненьне ў грудзі і загінуў.
Былы прэзідэнт Кыргызстана, па словах яго адваката, зьяўляецца фігурантам 14 крымінальных спраў. Акрамя забойства спецназаўца яго вінавацяць у арганізацыі беспарадкаў, пагрозах прадстаўнікам улады, незаконным абароце зброі, у перашкодзе следству, захопу закладнікаў, у замаху на забойства, а таксама ў некалькіх эпізодах карупцыі, у прыватнасьці незаконным набыцці зямельных участкаў у Кой-Ташы, дзе Атамбаеў пабудаваў сабе рэзідэнцыю
Каментары