Каля Палаца спорту ў Мінску хацелі паставіць вялікае кола агляду. Але нешта пайшло не так ФОТА
![](http://d3kcf2pe5t7rrb.cloudfront.net/img/w840d4webp1/photos/z_2019_12/koleso_nemiga_4-o6o6f.jpg.webp)
У 2018 годзе ў Мінгарвыканкаме з'явілася ідэя паставіць на набярэжнай каля Палаца спорту вялікае кола агляду вышынёй 120 метраў, што ў два разы вышэй за кола агляду ў парку Горкага і ўсяго на 15 метраў ніжэй за знакамітае «Лонданскае вока», піша Tut.by.
Да канца мінулага года была гатовая візуалізацыя праекта, выкананая адной з беларускіх кампаній і названая Minsk Ring — «Мінскае кола». Па словах знаёмых з працэсам крыніц, візуалізацыю ўжо гатовыя былі прадстаўляць Лукашэнку, але ў канцы лістапада мінулага года Андрэя Шорца знялі з пасады старшыні Мінгарвыканкама.
![](http://d3kcf2pe5t7rrb.cloudfront.net/img/w732d4webp1/photos/z_2019_12/koleso_nemiga_3-jik6k.jpg.webp)
Новы ж кіраўнік Мінска Анатоль Сівак адмовіўся ад ідэі ўстаноўкі кола агляду каля Палаца спорту. Яго падыход такі: калі і ўсталёўваць новае кола агляду, то толькі ў парку і толькі за кошт інвестара. У гэтай ідэі ёсць свае прыхільнікі і свае праціўнікі.
У Minsk Ring павінна было быць 32 закрытыя кандыцыянаваныя кабінкі-капсулы, у кожную з якіх можа змясціцца да 25 чалавек. Адзін абарот 120-метровага кола павінен быў доўжыцца каля 30 хвілін.
![](http://d3kcf2pe5t7rrb.cloudfront.net/img/w732d4webp1/photos/z_2019_12/koleso_nemiga_2-7tlbv.jpg.webp)
Пры гэтым, каб браць на борт новых пасажыраў, кола не абавязкова было б спыняць. Хуткасць у 0,9 кіламетра ў гадзіну дазваляла б пасажырам уваходзіць і выходзіць на ўзроўні зямлі.
Кола павінна было ўяўляць сабой сілуэт бусла, што павінна было надаваць яму дадатковую сімвалічнасць.
![](http://d3kcf2pe5t7rrb.cloudfront.net/img/w732d4webp1/photos/z_2019_12/koleso_nemiga_5-s2p2o.jpg.webp)
У аснове кола хацелі размясціць якую-небудзь забаўляльную ўстанову або рэстаран. У цёмны час сутак на аб'екце меркавалася падсветка.
Каментары