10 лістапада балівійскі прэзідэнт Эва Маралес абвясціў пра адстаўку пасля некалькіх дзён пратэстаў. Сёння таксама стала вядома пра затрыманне старшыні Цэнтравыбаркама: яна ўцякала з краіны, пераапранутая мужчынам. Абавязкі прэзідэнта да выбараў будзе выконваць другі віцэ-прэзідэнт сената.
МЗС Беларусі сёння пракаментавала сітуацыю ў Балівіі.
«Беларусь выступае за наладжванне агульнанацыянальнага дыялогу ў мэтах пераадолення ўсіх наяўных супярэчнасцяў у Балівіі. Зыходзім з неабходнасці вырашэння сітуацыі выключна мірным шляхам, у рамках прававога поля і Канстытуцыі краіны. Рознагалоссі ў балівійскім грамадстве не павінны станавіцца нагодай для супрацьпраўных дзеянняў, якія вядуць да непрадказальных наступстваў», — гаворыцца ў заяве.
«Выказваем падтрымку ўсім намаганням, накіраваным на аднаўленне агульнанацыянальнага згоды ў Балівіі, і спадзяемся, што ў самыя кароткія тэрміны там ўсталююцца мір і стабільнасць», — адзначае МЗС.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна11
Каментары