Як наводзяць парадак да прыезду Лукашэнкі ў Баранавічах ФОТЫ
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4774-1873g.jpg.webp)
У Баранавічах працягваецца падрыхтоўка да візіту Аляксандра Лукашэнкі, запланаванага на 22 сакавіка.
Калі 20 сакавіка ў Баранавічах актыўна вяліся працы ў цэнтры горада, то 21 сакавіка можна пабачыць ажыўленне ў Паўночным мікрараёне. Рабочыя падмятаюць вуліцы, прыбіраюць тэрыторыю каля Лядовага палаца.
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4749-rnic6.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4755-jjlql.jpg.webp)
Чытачы паведамляюць пра тое, што нават туі, якія растуць побач з Лядовым, «вычысцілі пыласосам».
На дарогах у экстраным парадку латаюць ямы і выбоіны, наносяць дарожную разметку.
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4758-ywz3k.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4772-5y9jo.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4773-zhb0l.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4785-i1ld5.jpg.webp)
«Пераўтварылася» і закінутая ферма за Гандлёвым цэнтрам «Карона»: яе замаскіравалі зялёнай сеткай!
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4783-rlqhi.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2019_03/0z5a4779-chseu.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2019_03/sdnsxm0kvdm-d6e7b.jpg.webp)
Рабочы мые пуцеправод на вуліцы Савецкай. Фота прадстаўлена чытачом.
Чытач Intex-press даслаў фота, на якім бачна, як працоўны мые пуцеправод, які злучае Паўночны з цэнтрам горада.
Па словах кіроўцаў, работа кіпіць не толькі ў саміх Баранавічах, але і па дарозе ў горад.
— Уздоўж трасы М1 прыбіраюць, фарбуюць сметніцы і бардзюры, — паведаміў чытач Intex-press.
Бліжэй да вечара навядзенне парадку ў Баранавічах працягваецца. Чытачы паведамляюць, што праспект Савецкі ўпрыгожылі рознакаляровымі сцяжкамі, клумбу на бульвары Хэйнала — яловымі галінкамі, а ганак гарвыканкама мыюць ужо пасля заканчэння працоўнага дня.
![](http://d3kcf2pe5t7rrb.cloudfront.net/img/w732d4webp1/photos/z_2019_03/flazhki-1-tjcc0.jpg.webp)
Праспект Савецкі, упрыгожаны рознакаляровымі сцяжкамі. Фота прадстаўлена чытачом.
![](http://d3kcf2pe5t7rrb.cloudfront.net/img/w732d4webp1/photos/z_2019_03/gorispolkom-402bh.jpg.webp)
Уборка на ганку гарвыканкама. Фота прадстаўлена чытачом.
![](http://d3kcf2pe5t7rrb.cloudfront.net/img/w732d4webp1/photos/z_2019_03/gazon-6orss.jpg.webp)
Газон на бульвары Хэйнала. Фота прадстаўлена чытачом.
Каментары