Жыхарка Брэста, якая пакутуе ад псіхічнага захворвання, забіла мужа, а праз 30 гадоў пазбавіла жыцця сына, паведамляе БелТА.
Злачынства было здзейснена ў лістападзе 2017 года. Падчас сваркі з сынам 67-гадовая жыхарка Брэста нанесла яму не менш за сем удараў сякерай па галаве, а затым здушыла горла. Ад атрыманых траўм 37-гадовы мужчына памёр на месцы здарэння.
У ходзе следства высветлілася, што 30 гадоў таму пры падобных абставінах жанчына забіла свайго мужа. Тады па медыцынскіх паказаннях да яе былі ўжытыя прымусовыя меры бяспекі і лячэння.
Падчас расследавання жанчына ў чарговы раз прайшла псіхолага-псіхіятрычную экспертызу. Па заключэнні спецыялістаў, у перыяд здзяйснення злачынства яна не ўсведамляла значэння сваіх дзеянняў і не магла кіраваць імі. Следства прыйшло да высновы, што абвінавачаная мае патрэбу ва ўжыванні да яе прымусовых мер бяспекі і лячэння са змяшчэннем у стацыянар пад строгім наглядам.
Каментары