Навука і тэхналогіі55

Новае даследаванне паказала, што нервовыя клеткі ўсё ж аднаўляюцца 

Новыя назіранні за працэсам росту клетак мозгу паказваюць, што нейроны («нервовыя клеткі») не толькі аднаўляюцца, але і аднолькава добра фарміруюцца ў цэнтры памяці як маладых, так і сталых людзей, гаворыцца ў артыкуле, апублікаваным у навуковым часопісе Cell Stem Cell.

«Мы выявілі, што ў гіпакампе (цэнтры памяці — НН) пажылых людзей могуць фарміравацца тыя ж дзясяткі тысяч новых нейронаў, як і ў мазгах моладзі. На карысць гэтага сведчыць і тое, што аб'ём цэнтра памяці ў старых і маладых людзей прыкладна аднолькавы», — заявіла Маўра Балдрыні з Калумбійскага ўніверсітэта ў Нью-Ёрку.

Дагэтуль апошнія назіранні паказвалі, што ў некаторых частках мозга прысутнічаюць досыць вялікія калоніі ствалавых клетак, якія, як меркавалася, удзельнічаюць у нейрагенезе (узнікненні новых нейронаў).

У лютым 2018 года нейрафізіёлагі з Цюрыха заявілі, што ствалавыя клеткі амаль цалкам знікаюць да старасці, таму і нервовыя клеткі не могуць аднаўляцца ў старых людзей.

Балдрыні і яе калегі высветлілі, што гэта не так, вывучыўшы структуру фрагментаў гіпакампу, вынятых з мозгу трох дзясяткаў маладых і пажылых людзей, якія памерлі ў аўтакатастрофах і па іншых прычынах, не звязаных з хваробамі нервовай сістэмы.

Пазначыўшы ўсе ствалавыя клеткі пры дапамозе хімічных фарбавальнікаў, навукоўцы падлічылі іх колькасць і паспрабавалі зразумець, ці сапраўды іх запасы змяншаюцца да моманту наступлення старасці, і, калі так, як гэта ўплывае на тэмпы ўтварэння новых нейронаў.

Як аказалася, запасы некаторых тыпаў ствалавых клетак сапраўды былі на мінімальным узроўні. Але ж гэта ніяк не ўплывала на з'яўленне новых нейронаў у цэнтры памяці — у іх фарміраванні былі задзейнічаны іншыя віды «нарыхтовак» нервовых клетак, колькасць якіх не падае з узростам. Усё гэта сведчыць аб тым, што нейроны працягваюць фарміравацца да самай смерці чалавека.

Каментары5

Байдэн выходзіць з прэзідэнцкай гонкі46

Байдэн выходзіць з прэзідэнцкай гонкі

Усе навіны →
Усе навіны

Прарасійская актывістка абурылася, што не можа апублікаваць фота з бел-чырвона-белым сцягам5

На Растоўскай АЭС адбыўся выбух і Расію накрыла хваля радыяцыі? Паспрабавалі разабрацца1

Іван Краўцоў трэці раз запар стаў сакратаром Каардынацыйнай рады40

Следам за краснадарцамі выйшлі патрабаваць электрычнасці і жыхары Анапы1

«25 літраў за 2 гадзіны». Грыбныя трафеі з лясоў сталі больш разнастайнымі3

«Мінскія Патрыкі? Не, Бікіні Ботам». Найлепшыя твіты тыдня4

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

больш чытаных навін
больш лайканых навін

Байдэн выходзіць з прэзідэнцкай гонкі46

Байдэн выходзіць з прэзідэнцкай гонкі

Галоўнае
Усе навіны →