Некаторыя віды цыгарэт падаражаюць у Беларусі з 1 сакавіка, паведамляе Міністэрства па падатках і зборах.
Падаражанне закране прадукцыю ААТ «Гродзенская тытунёвая фабрыка «Нёман». Некаторыя віды цыгарэт Pall Mall падаражэюць ад 5 да 10 капеек. Ад 1 да 10 капеек вырастуць цэны на цыгарэты маркі Rothmans, на 5 капеек падаражэюць цыгарэты маркі Kent.
Акрамя таго, на ўзроўні 3,25 рублёў ўсталяваныя кошты на цыгарэты Vogue La Cigarette Bleue, Vogue La Cigarette Lilas і Vogue La Cigarette Menthe.
Цэны на цыгарэты кампаніі «Тытунь-інвест» не зменяцца.
Падаражаюць некаторыя віды цыгарэт, якія ўвозяцца ў краіну «Беларусьгандлем». Так, на 5 капеек стануць даражэй пэўныя віды цыгарэт Kent і L&M, на 10 капеек — некаторыя віды цыгарэт маркі Davidoff, Parliament і Marlboro. Ад 1 да 5 капеек стануць даражэй цыгарэты Rothmans.
Каментары