Помнік заснавальніку замка і горада Ліды — князю Гедыміну плануюць паставіць побач з паўночнай сцяной Лідскага замка. У выніку на конкурсе перамог наступны праект.
![](http://d3kcf2pe5t7rrb.cloudfront.net/img/w732d4webp1/photos/z_2018_02/hedymin180219-7rd9i.jpg.webp)
«Нарэшце ў маёй роднай Лідзе будзе помнік Гедыміну. Вось такі праект перамог у конкурсе. Пра тое, што ў горадзе хочуць паставіць конны помнік Гедыміну інфармацыя ўжо гадоў 15 ходзіць, — напісаў Павел Белавус. — І вось справа ўжо дайшла да стадыі вырабу помніка».
«Але ёсць інфармацыя, што на сам помнік у горада няма сродкаў. Праводзілі і суботнікі, і нейкія яшчэ акцыі, але патрэбнай сумы няма. Таму, каб справу прыспешыць — давядзецца ці краўдкампанію запускаць, ці спадзявацца на буйных спонсараў», — напісаў ён.
Каментары