Кобрынская ДАІ ў адказе актывісту назвала георгіеўскую стужку на сваёй машыне «гвардзейскаю»
Жыхар Ліды Валер Мінец атрымаў афіцыйны адказ на свой ліст у раённую ДАІ, напісаны пасля таго, як заўважыў і сфатаграфаваў патрульны аўтамабіль з георгіеўскай стужкаю, прымацаванаю да лабавога шкла. Ліст аказаўся адпіскаю — паведаміў актывіст у сваім фэйсбук-акаўнце.
![](http://d3kcf2pe5t7rrb.cloudfront.net/img/w732d4webp1/photos/z_2017_12/stuzhka-gfkzl.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2017_12/answer-s1cz4.jpg.webp)
«Чарговая пісуля ад кобрынскіх міліцыянтаў-каларадаў. Столькі словаў пра беларуска-расейскае сяброўства! Амаль паверыў! Прыкра і крыўдна, што міліцыянты, атрымліваючы заробак, зброю і ільготы ад Беларусі, фактычна з'яўляюцца патэнцыйнымі здраднікамі-калабарантамі. А кіраўніцтва, як заўжды, пакрывае ўчынкі на месцах. Супраць каго паверне сваю зброю гэты міліцыянт у выпадку расейскай агрэсіі?» — не хаваў свайго абурэння Валер Мінец.
* * *
Удакладненне. У ранейшай версіі гэтага артыкула Валер Мінец быў названы «кобрынскім актывістам». Насамрэч ён жыхар Ліды.
Каментары