Расказаць пра нашу краіну з дапамогай сучасных візуальных вобразаў — такой мэтай задаліся дызайнеры са студыі Алены Шутавай. У аснову былі пакладзеныя вядомыя легенды выдатных мясцін і помнікаў. Творчая каманда спадзяецца, што карцінкі з задавальненнем будуць выкарыстоўваць на сувенірнай прадукцыі, а турыстам будзе цікава даведацца падрабязнасці.
![](http://d3kcf2pe5t7rrb.cloudfront.net/img/w732d4webp1/photos/z_2017_06/e0abe962f9e75d1967e3ad21bf575a1f-vfmeo.jpg.webp)
Для эмблемы Мірскага замка дызайнеры перапрацавалі легенду пра містычныя з'явы, якія пачаліся, калі на месцы яблыневага саду выкапалі возера.
![](http://d3kcf2pe5t7rrb.cloudfront.net/img/w732d4webp1/photos/z_2017_06/1bf83a77c0a68bf0bae5fd06305246ea-aam2b.jpg.webp)
На нясвіжскай эмблеме можна ўбачыць вобраз прывіда Барбары Радзівіл, а таксама дрэвы, якія спляліся між сабой на месцы трагедыі кахання.
![](http://d3kcf2pe5t7rrb.cloudfront.net/img/w732d4webp1/photos/z_2017_06/5f6eb6a21781a34791a5e5ace7ef088a-94f29.jpg.webp)
Эмблема Лідскага замка расказвае нам гісторыю смерці місіянераў, забітых мясцовымі жыхарамі. Па легендзе, там потым выраслі хвоі.
![](http://d3kcf2pe5t7rrb.cloudfront.net/img/w732d4webp1/photos/z_2017_06/61585ad2935d2db214ee2676287a8018-8wtvf.jpg.webp)
Эмблема Ружанскага замка дэманструе раскошу і золата. Таямнічы скарб, быццам бы, і да гэтага часу недзе там схаваны.
![](http://d3kcf2pe5t7rrb.cloudfront.net/img/w732d4webp1/photos/z_2017_06/31b9f687bf1182d579efae308cf2ae5f-i25jz.jpg.webp)
Над Камянецкай вежай узвышаюцца волаты, якія, паводле паданняў, яе і пабудавалі.
Каментары