Следчым упраўленнем УСК па Мінскай вобласці завершана расследаванне крымінальнай справы ў дачыненні да жыхара Барысаўскага раёна і яго сына. Іх абвінавачваць у шэрагу наўмысных асабліва цяжкіх злачынстваў.
Увечары 18 студзеня гэтага года ў міліцыю паступіла паведамленне, што ў адным з прыватных дамоў Барысаўскага раёна знайшлі цела гаспадара, 1954 года нараджэння, з прыкметамі гвалтоўнай смерці.
Па падазрэнні ў здзяйсненні злачынства неўзабаве затрымалі беспрацоўнага, раней неаднаразова судзімага жыхара Барысаўскага раёна, 1960 года нараджэння, і яго непаўналетняга сына, 1998 года нараджэння.
Расследаваннем устаноўлена, што 17-гадовага хлопца ў злачынства ўцягнуў 55-гадовы бацька.
Вечарам 17 студзеня бацька з сынам прыйшлі ў дом да пацярпелага, сказалі, што хочуць набыць ў яго спіртное. Затым «госці», якія былі нападпітку, справакавалі сварку з гаспадаром і сталі яго жорстка збіваць. Пасля таго як пацярпелы паспрабаваў выбегчы з дому і паклікаць па дапамогу, абвінавачаныя нанеслі яму 9 удараў нажом. Ад атрыманых пашкоджанняў мужчына памёр. Бацька з сынам з месца здарэння ўцяклі, скраўшы з хаты прадукты харчавання, грошы, залатыя вырабы, калекцыю манет, у тым ліку юбілейныя (памятныя), і іншую маёмасць на агульную суму больш за 2200 рублёў (22 мільёны недамінаваных рублёў).
Таксама высветлілася, што раней мужчына схіліў свайго сына да шэрагу крадзяжоў з дачных дамоў у Барысаўскім раёне. Яны пранікалі на тэрыторыю чужых домаўладанняў, у якіх у зімовы перыяд ніхто не пражываў, і выкрадалі каштоўныя рэчы. Пасля скрадзенае збывалі.
Паводле вынікаў расследавання дзеянні абвінавачаных кваліфікаваны па шэрагу артыкулаў Крымінальнага кодэкса. Абодва абвінавачваюцца ў крадзяжах, забойстве, учыненым групай асоб з асаблівай жорсткасцю і звязаным з разбоем. Акрамя таго, старэйшаму фігуранту ставяцца ў віну і ўцягванне непаўналетняга ва ўчыненне злачынстваў. Абвінавачаныя ўтрымліваюцца пад вартай.
Крымінальная справа перададзена пракурору для накіравання ў суд.
Што азначае загадкавы код R99 у прычынах смерці Уладзіміра Макея і Вітольда Ашурка?5
Каментары