Śledčym upraŭleńniem USK pa Minskaj vobłaści zavieršana rasśledavańnie kryminalnaj spravy ŭ dačynieńni da žychara Barysaŭskaha rajona i jaho syna. Ich abvinavačvać u šerahu naŭmysnych asabliva ciažkich złačynstvaŭ.
Uviečary 18 studzienia hetaha hoda ŭ milicyju pastupiła paviedamleńnie, što ŭ adnym z pryvatnych damoŭ Barysaŭskaha rajona znajšli cieła haspadara, 1954 hoda naradžeńnia, z prykmietami hvałtoŭnaj śmierci.
Pa padazreńni ŭ ździajśnieńni złačynstva nieŭzabavie zatrymali biespracoŭnaha, raniej nieadnarazova sudzimaha žychara Barysaŭskaha rajona, 1960 hoda naradžeńnia, i jaho niepaŭnaletniaha syna, 1998 hoda naradžeńnia.
Rasśledavańniem ustanoŭlena, što 17-hadovaha chłopca ŭ złačynstva ŭciahnuŭ 55-hadovy baćka.
Viečaram 17 studzienia baćka z synam pryjšli ŭ dom da paciarpiełaha, skazali, što chočuć nabyć ŭ jaho śpirtnoje. Zatym «hości», jakija byli napadpitku, spravakavali svarku z haspadarom i stali jaho žorstka źbivać. Paśla taho jak paciarpieły pasprabavaŭ vybiehčy z domu i paklikać pa dapamohu, abvinavačanyja nanieśli jamu 9 udaraŭ nažom. Ad atrymanych paškodžańniaŭ mužčyna pamior. Baćka z synam ź miesca zdareńnia ŭciakli, skraŭšy z chaty pradukty charčavańnia, hrošy, załatyja vyraby, kalekcyju maniet, u tym liku jubilejnyja (pamiatnyja), i inšuju majomaść na ahulnuju sumu bolš za 2200 rubloŭ (22 miljony niedaminavanych rubloŭ).
Taksama vyśvietliłasia, što raniej mužčyna schiliŭ svajho syna da šerahu kradziažoŭ z dačnych damoŭ u Barysaŭskim rajonie. Jany pranikali na terytoryju čužych domaŭładańniaŭ, u jakich u zimovy pieryjad nichto nie pražyvaŭ, i vykradali kaštoŭnyja rečy. Paśla skradzienaje zbyvali.
Pavodle vynikaŭ rasśledavańnia dziejańni abvinavačanych kvalifikavany pa šerahu artykułaŭ Kryminalnaha kodeksa. Abodva abvinavačvajucca ŭ kradziažach, zabojstvie, učynienym hrupaj asob z asablivaj žorstkaściu i źviazanym z razbojem. Akramia taho, starejšamu fihurantu staviacca ŭ vinu i ŭciahvańnie niepaŭnaletniaha va ŭčynieńnie złačynstvaŭ. Abvinavačanyja ŭtrymlivajucca pad vartaj.
Kryminalnaja sprava pieradadziena prakuroru dla nakiravańnia ŭ sud.
Pratasieviču admianili hihancki štraf, i jon palacieŭ na adpačynak u Dubaj20
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2323
Kamientary