Увечары ў нядзелю Саудаўская Аравія аб'явіла пра разрыў дыпламатычных адносін з Іранам. Эр-Рыяд даў іранскаму паслу 48 гадзін на выезд з краіны.
Учора ў сталіцы Ірана дэманстранты закідалі камнямі і кактэйлямі Молатава пасольства Саудаўскай Аравіі. Гэта была рэакцыя шыітаў-іранцаў на пакаранне ў Аравіі смерцю шыіцкага імама, абвінавачанага ў тэрарызме.
Пакаранне імама Аль-Німра распачало новы віток супрацьстаяння найбагацейшай суніцкай і найбольшай шыіцкай дзяржаў.
Іранскія ўлады паабяцалі, што Саудаўскую Аравію чакае «Божая кара». Тэгеран і Эр-Рыяд ужо і раней вялі змаганне за Сірыю і Емен.
Не выключана, што Эр-Рыяд будзе спрабаваць аслабіць Іран збіваючы цэны на нафту, бо сабекошт здабычы ў Іране вышэйшы, чым у Саудаўскай Аравіі.
-
Рэаліі расійскай правінцыі: пакуль муж быў на фронце, жонка пайшла да іншага. Сужыхар яе забіў і таксама пайшоў на вайну
-
Ізраіль правёў кібератаку на членаў «Хезбалы». Пейджары 1200 баевікоў адначасова ўзарваліся проста ў кішэнях ВІДЭА
-
Салаўёў сцвярджае, што за выбухі пэйджараў у Ліване адказны ізраільскі агент «Махшыр Кешэр». Рагоча ўвесь інтэрнэт
Каментары