Адзіны дзень зніжак у сувязі са святкаваннем 70-годдзя Перамогі пройдзе ў гандлёвай сетцы Мінска 2 мая, паведамілі ў галоўным упраўленні спажывецкага рынку Мінгарвыканкама.
У гэты дзень сталічныя крамы прапануюць пакупнікам зніжкі на нехарчовыя тавары ў памеры 15-20% ад кошту.
Як адзначылі ў галоўным упраўленні спажывецкага рынку, для стварэння святочнага настрою ў ветэранаў і ўдзельнікаў Вялікай Айчыннай вайны ў гандлёвай сетцы сталіцы ўжо сёння праводзяцца пашыраныя продажы адзення і абутку, тавараў гаспадарчага прызначэння, складанабытавой тэхнікі, ювелірных вырабаў, мэблі і іншых.
У маі ў сталіцы плануецца правесці больш за 400 выстаў-продажаў, рэкламных акцый і распродажаў. Усім ветэранам Вялікай Айчыннай вайны будуць прапанаваныя істотныя скідкі на харчовыя і нехарчовыя тавары. Таксама гандлёвыя прадпрыемствы возьмуць удзел у рэспубліканскім патрыятычным праекце «Кветкі Вялікай Перамогі».
Каментары