Беларусы пабачаць найвялікшае за 16 год сонечнае зацьменне 20 сакавіка
Сонца схаваецца за Месяцам у 13:06.
![](http://d3kcf2pe5t7rrb.cloudfront.net/img/w732d4webp1/photos/z_2015_03/1425035226_204573_67.jpg.webp)
Як паведамляе TUT.BY са спасылкай на навучальна-навуковую астранамічную лабараторыю БДУ, беларусы пабачаць з 11:57 да 14:15 20 сакавіка сонечнае зацьменне.
Зацьменне стане самым вялікім са жніўня 1999 года.
Максімум, калі сонечны дыск перакрыецца на 70%, будзе назірацца ў 13:06.
Пакуль метэаролагі прадказваюць 20 сакавіка яснае надвор’е без ападкаў.
Без спецыяльнай абароны, святлафільтраў, назіраць за зацьменнем небяспечна для вачэй. Звычайныя сонечныя акуляры не дапамогуць.
![](http://d3kcf2pe5t7rrb.cloudfront.net/img/w732d4webp1/photos/z_2015_03/18265.jpg.webp)
Адносна добрымі святлафільтрамі будуць старанна закуранае на свечцы шкло, некалькі пластоў засвечанай фотастужкі альбо некалькі магнітных пластоў старых дыскет. Але самы надзейны спосаб абароны вачэй — адмысловыя святлафільтры.
Каментары