У верасні цэны на большую частку прадуктаў у Латвіі знізіліся, паведамілі Delfi.lv ў Цэнтры па садзейнічанні сельскагаспадарчаму рынку (ЦССР).
«Змена цэнаў на прадукты ў верасні звязана галоўным чынам з сезоннымі зменамі і расійскім эмбарга. Верасень — гэта час збору ўраджаю гародніны, і ў гэты перыяд яна самая танная. Цэны на яе знізіла таксама вялікая канкурэнцыя з гароднінай з Польшчы, якая пасля закрыцця расійскага рынку шукала новыя магчымасці продажаў», — сказала кіраўнік ЦССР Інгуна Гулбе.
![](http://d3kcf2pe5t7rrb.cloudfront.net/img/w732d4webp1/photos/z_2014_09/prad_lat1_140925.jpg.webp)
Па яе словах, знізіліся цэны таксама і на малочную прадукцыю, што звязана з падзеннем коштаў на сусветным рынку і з расійскім эмбарга. Але ў дадзеным выпадку зніжэнне цэнаў не такое вялікае, як можна было чакаць, і рэакцыя гандлёвых сетак на гэтую сітуацыю вельмі розная.
![](http://d3kcf2pe5t7rrb.cloudfront.net/img/w732d4webp1/photos/z_2014_09/prad_lat2_140925.jpg.webp)
Як адзначыла Гулбе, цэны на прадукты ў Латвіі ў бліжэйшы час, хутчэй за ўсё, працягнуць зніжацца.
Каментары