Łukašenka Pucinu: Vitaju vas na vašaj biełaruskaj ziamli
Jon taksama padziakavaŭ Pucinu za padtrymku idei budaŭnictva AES u Biełarusi.
Biełaruś — samy blizki i vierny sajuźnik Rasii i budzie praciahvać vystupać za raźvićcio ciesnych družalubnych adnosinaŭ, zajaviŭ Alaksandr Łukašenka, adkryvajučy sustreču z Uładzimiram Pucinym u pašyranym składzie ŭ rezidencyi «Zasłaŭje» 31 maja.
«Jak užo skazaŭ prezident [Pucin], vielmi simvalična, što jaho pieršy vizit prachodzić u Biełaruś.
Ad usioj dušy vitaju vas na vašaj biełaruskaj ziamli, nie čužoj dla vas», — skazaŭ Łukašenka.
Jon zaznačyŭ, što vizit Pucina prachodzić napiaredadni
«Za hetyja hady my prajšli surjozny šlach vybudoŭvańnia dvuchbakovych adnosinaŭ i dasiahnuli vyklučnych vynikaŭ pa ŭsich kirunkach uzajemadziejańnia, — zajaviŭ biełaruski kiraŭnik. — Siońnia my možam kanstatavać, što na postsavieckaj prastory nie isnuje bolš prasunutaj intehracyi, čym Sajuznaja dziaržava. Miljony ludziej atrymali ad hetaha realnuju addaču».
Łukašenka padkreśliŭ, što napracoŭki ŭ miežach Sajuznaj dziaržavy stali fundamientam dla farmavańnia Mytnaha sajuza i Adzinaj ekanamičnaj prastory. Havoračy pra ekanamičnaje supracoŭnictva, jon vykazaŭ upeŭnienaść, što sioleta tavaraabarot pamiž dźviuma krainami pieravysić 40 młrd dalaraŭ. «Adnak u sučasnych umovach nieabchodna zabiaśpiečvać dalejšaje naroščvańnie abjomaŭ handlu. Treba stvarać sumiesnyja pradpryjemstvy, chołdynhi i spyniać kankuravać pamiž saboj chacia b na rynku Mytnaha sajuza», — zajaviŭ Łukašenka.
Jon vykazaŭ udziačnaść Pucinu za padtrymku idei budaŭnictva AES u Biełarusi i padkreśliŭ, što pavodle tradycyi prezidenty Biełarusi i Rasii voźmuć najbolš važnuju temu dvuchbakovych adnosinaŭ pad asabisty kantrol.
«
Kamientary