U pieduniviersitety možna było trapić i dvoječnikam.
Nizkija prachadnyja bały abituryjentaŭ u 2011 hodzie prymusili zahavaryć pra nieabchodnaść uviadzieńnia nižniaj płanki acenak, atrymanych na CT dla ŭdziełu ŭ konkursie na pastupleńnie ŭ biełaruskija VNU. Asablivy niespakoj vyklikajuć u hetym sensie piedahahičnyja vyšejšyja navučalnyja ŭstanovy.
Sioleta ŭ Biełarusi studentami VNU stali kala 90 tysiač čałaviek — na 3,2 tysiačy mienš, čym u letaś, paviedamiła kansultant Upraŭleńnia vyšejšaj i siaredniaj śpiecyjalnaj adukacyi Ministerstva adukacyi Biełarusi Maryja Karpienka. Pamianšeńnie kolkaści pieršakurśnikaŭ adbyłosia praparcyjna pamianšeńniu kolkaści vypusknikoŭ 11 kłasaŭ.
U dziaržaŭnyja navučalnyja ŭstanovy zaličana kala 78 tysiač studentaŭ, u tym liku na dzionnuju formu navučańnia — amal 44 tysiačy (na 4,9 tysiačy mienš za letašni pakazčyk). Ź ich krychu bolš za 25 tysiač budzie navučacca za košt srodkaŭ biudžetu, kala 19 tysiač — na płatnaj asnovie. Niezapoŭnienymi zastalisia 134 biudžetnych miescy. Hety niedabor aznačaje, što ŭ VNU brali ŭsich, chto padaŭ dakumienty, niezaležna ad kolkaści nabranych bałaŭ. I toje achvotnych nie znajšłosia.
Druhi hod zapar prachadnyja bały ŭ VNU źnižajucca,choć, biezumoŭna, jość vyklučeńni. Naprykład, u Biełaruskim dziaržaŭnym univiersitecie sioleta prachadnyja bały, naadvarot, vyraśli. Samymi vysokimi konkursam i prachadnymi bałami na biudžetnaje adździaleńnie tradycyjna vyłučajucca i miedycynskija VNU.
Maksimalnaja kolkaść bałaŭ, jakija možna nabrać, — 400. Abituryjenty zdajuć centralizavanaje testavańnie pa troch pradmietach, najlepšaja adznaka pa kožnym ź ich — 100 bałaŭ. Da hetaj sumy dadajecca siaredni bał atestata, pamnožany na 10. Nijakich abmiežavańniaŭ pa nabranych na CT bałach niama. Navat kali abituryjent zdaje, umoŭna kažučy, matematyku na 2 z 100 bałaŭ, jon moža ŭdzielničać u konkursie na pastupleńnie ŭ VNU.
U Biełaruskim dziaržaŭnym technałahičnym univiersitecie samy vysoki prachadny bał na śpiecyjalnaści «ekanomika i kiravańnie na pradpryjemstvie»: dla haradžan na biudžetnym adździaleńni — 263, a dla viaskoŭcaŭ — 248. Samy nizki — na śpiecyjalnaści «kanstrujavańnie i vytvorčaść vyrabaŭ z kampazicyjnych materyjałaŭ» (91) a taksama «mašyny i aparaty chimičnych vytvorčaściaŭ i pradpryjemstvaŭ budaŭničych materyjałaŭ» (112)
U Biełaruskim piedahahičnym univiersitecie imia Tanka na šerah śpiecyjalnaściaŭ na biudžetnym adździaleńni naohuł nie było konkursu.I možna tolki zdahadvacca, ź jakimi bałami abituryjenty rabilisia studentami. Takimi śpiecyjalnaściami stali «Biełaruskaja mova i litaratura. Niamieckaja mova», «Biełaruskaja mova i litaratura. Ruskaja mova i litaratura», «Fizika. Matematyka», " Fizika. Infarmatyka», «Fizika. Techničnaja tvorčaść». Na śpiecyjalnaści «Matematyka. Infarmatyka», " Fizika. Matematyka», «Fizika. Infarmatyka», «Fizika. Techničnaja tvorčaść» konkurs adsutničaŭ i ŭ minułym hodzie.
Samy maleńki konkurs byŭ na śpiecyjalnaści «Matematyka» — 122 bały i «Ruskaja mova i litaratura. Zamiežnaja mova (kitajskaja)»- 134 bały. Samy vialiki — na śpiecyjalnaści «Łahapiedyja. Śpiecyjalnaja psichałohija» (285 bałaŭ).
Na płatnym adździaleńni ŭniviersiteta na śpiecyjalnaść «Hieahrafija.
Na zavočnym płatnym naohuł bili rekordy. Studentami rabilisia tyja, chto atrymaŭ… 70–80 z 400 bałaŭ!Tak, prachadnyja bały na śpiecyjalnaść «Daškolnaja adukacyja. Praktyčnaja psichałohija» — 80, «Pačatkovaja adukacyja» — 76, «Daškolnaja adukacyja» — 81 bał.
Navat ministr adukacyi Siarhiej Maskievič 17 žniŭnia padčas
«U pryncypie ja zhodny, što dla taho, kab psichałahična ŭ hramadstvie nie było takoha nieparazumieńnia, treba ŭstalavać barjer — nižniuju płanku, prachadny bał, — adznačyŭ ministr. —
I bolš aryjentavacca nie na sistemu, jakaja ciapier funkcyjanuje, a na toje, kab hetyja adznaki byli absalutna zrazumiełyja, kab ludzi ŭsprymali. Kali maksimalny bał — 100, a vynik — 8 bałaŭ, to kožny ž razumieje ŭzrovień viedaŭ. A kali pahladzieć tak, što najbolšaja kolkaść ludziej atrymała 30 bałaŭ, to byccam i nie tak heta ŭsio pravalna».
Razam z tym jon padkreśliŭ, što zadača pavinnaja być nie ŭ tym, kab pastupić, a ŭ tym, kab atrymać viedy: «I kali ŭ nas sfarmavałasia mierkavańnie, što dla taho, kab vučycca ŭ VNU, treba mieć vysoki ŭzrovień zychodnych viedaŭ, to ŭ mnohich krainach naohuł pastupajuć biez usialakich ekzamienaŭ — idzi, zapisvajsia i vučysia».
Adznačym, što pieršapačatkova da ŭdziełu ŭ konkursnym adbory dapuskali abituryjentaŭ, jakija nabirali na CT nie mienš za 20 testavych bałaŭ (u 2007 hodzie minimalnaja płanka składała 15 testavych bałaŭ).
U 2008 hodzie ŭstaloŭvali stanoŭčuju adznaku viedaŭ CT u razhar ustupnaj kampanii. Tady vyznačyli minimalny vynik, ź jakim dapuskali da konkursu, pa matematycy heta było vosiem bałaŭ. Nižniaja miaža pieravodnaj škały vynikaŭ centralizavanaha testańnia pa pradmietach vyličajecca z raźliku 10% samych nizkich adkazaŭ na kožnym asobna ŭziatym vyprabavańni.
Staršynia Pastajannaj kamisii pa adukacyi, kultury, navucy i
Havoračy pra minimalnuju kolkaść bałaŭ, Zdanovič adznačaje, što, na jaho dumku, dla ŭdziełu ŭ konkursie nieabchodna nabrać jak minimum 10 bałaŭ.
A što ž budzie ź dziećmi, jakija, naprykład, adoranyja ŭ matematycy, ale ruskuju movu viedajuć na «2»? Praktyka pakazvaje, što adoranyja ŭ matematycy dzieci narmalna dajuć rady i ruskaj movie, kaža deputat. Akramia taho, jość jašče adzin varyjant rašeńnia prablemy — bał za profilnyja pradmiety moža mieć bolš vysokuju vahu ŭ paraŭnańni ź inšymi vyprabavańniami.
Što da navučańnia ŭ VNU na płatnaj asnovie, to Zdanovič padkreślivaje: pakolki ŭsim vypusknikam VNU vydajecca dypłom adnolkavaha ŭzoru, najnižejšuju płanku adznak CT nieabchodna ŭvodzić taksama dla ŭsich.
Hledziačy na nizkija prachadnyja bały ŭ piedahahičnyja VNU, u Zdanoviča naohuł «serca kryvioju ablivajecca».
«Jakija b ni byli talenavityja piedahohi ŭ VNU, słabyja abituryjenty, chutčej za ŭsio, stanuć słabymi studentami, a ŭ budučyni — słabymi nastaŭnikami. Kali jany pryjduć u škołu, buduć rychtavać drennych vučniaŭ. Na maju dumku, naprykład, słaby nastaŭnik fiziki — heta ŭdar pa ekanomicy»,— tłumačyć svaju pazicyju Zdanovič.
Na jaho dumku, dla navučańnia ŭ piedahahičnych VNU nieabchodna zacikaŭlivać najlepšych vučniaŭ i adbirać zdolnych da piedahohiki jašče padčas ich navučańnia ŭ škole. U VNU ich nieabchodna zacikaŭlivać i materyjalna, — naprykład, dajučy internat, pavyšanuju stypiendyju.
«U nas jość šmat prefierencyj dla pradstaŭnikoŭ siłavych struktur. Ale nie mienš važnaja ŭ hramadstvie rola piedahohaŭ. Jany hrajuć vyznačalnuju rolu ŭ raźvićci budučyni našaj dziaržavy»,— padkreśliŭ Zdanovič.
Kamientary