Prakuror patrabuje dla Łobava piać hadoŭ turmy, dla Daškieviča — try

Łobaŭ u apošnim słovie nazyvaje hety praces «spłanavanaj pravakacyjaj ułady».

Prysud budzie abvieščany zaŭtra, a 11 hadzinie.

19:03

Daškievič pierakanany, što «ŭsiomahutnaść» sudździaŭ, prakuroraŭ chutka abryniecca. Jahonaja pramova była sustretaja vopleskami.

19:00

Hetym sudziliščam nas nie spyniš, kaža Daškievič. «My tolki bolš addana budziem realizoŭvać svaju spravu».

Daškievič zhadvaje pasobnikaŭ Bakijeva, Kadafi. Kaža, što taki samy los budzie čakać i ŭdzielnikaŭ siońniašniaha pasiedžańnia.

18:59

Daškievič zasiarodžvaje ŭvahu na niekalkich momantach. Najpierš toje, što jon z Eduardam zajmajecca palityčnaj dziejnaściu. Havoryć, što dla jaho važnym było «dažyć da 19 śniežnia». Kidacca na dvuch sieksotaŭ paśla prośby zakuryć było b nierazumna.

18:58

Sudovyja sprečki skončylisia. Zaraz apošniaje słova budzie kazać Źmicier Daškievič.

18:38

Aŭsiańnikava kaža, što abvinavačanyja prosta abaraniali svajo žyćcio i zdaroŭje.

18:36

Aŭsiańnikava adznačaje, što adzin śviedkam pačatka bojki byŭ Łazar. I Łazar zajaviŭ, što pačynalnikam bojki byli «paciarpiełyja».

18:34

Advakatka Aŭsiańnikava kaža, što prysud nie moža hruntavacca na sumnievach. I jany pavinny traktavacca na karyść abvinavačanych. Jana ličyć, što vina Łobava nie dakazanaja i prosić jaho apraŭdać.

18:28

Siamieška adznačaje nakolki ŭpeŭniena, jurydyčna pravilna pavodziać siabie «paciarpiełyja».

Marjana prosić apraŭdać svaje padabaronnaha Daškieviča.

18:19

Siamieška adznačaje šmatlikija parušeńni padčas śledstva. Naprykład, pratakoł vyjemki fomki nie adpaviadaje času, paznačanamu ŭ pratakole. Kaža, što parušeńniem była admova ŭ praviadzieńnie ekśpiertyzy tampona ź śladami kryvi. Marjana havoryć, što Karavy i Harbačova abvierhli šmatlikija dovady abvinavačvańnia.

Jana nastojvaje na tym, kab pakazańni Małyšava i Savickaha byli pryznanyja niesapraŭdnymi.

18:13

Marjana Siamieška kaža, što niama nijakich dokazaŭ viny Daškieviča, a taksama Łobava. I sud hetych dokazaŭ nie pradstaviŭ.

18:09

Mazoŭka kaža, što dovady abvinavačanych ab nievinavataści biespadstaŭnyja. Razam z tym, było ŭstanoŭlena, što Daškievič nijakich pradmietaŭ dla naniasieńnia ŭdaraŭ.

Prakuror patrabuje dla Łobava piać hadoŭ turmy, dla Daškieviča — try.

17:54

Prakuror Mazoŭka pačynaje svaju pramovu. Kaža, što nijakaha sačeńnia za Daškievičam i Łobavym nie było. Abvinavaŭca zhadvaje pra fomku, što była ŭ Łobava. Mazoŭka kaža, što pakazańni śviedki Karavaha časta mianialisia i stabilnaściu nie adznačalisia.

17:50

Sudździa Šylko adchilaje chadajnictva Marjany Siamieški ab časie, kab padrychtavacca da sudovych sprečak. Siamieška kaža, što joj treba chacia b dzień na padrychtoŭku.

Alena Aŭsiańnikava jaje padtrymlivaje.

Šylko abviaščaje pačatak sudovych sprečak.

17:46

Chadajnictva Daškieviča ab ustalavańni ŭsich mabilnych telefonaŭ i pavodle ich asobaŭ, što znachodzilisia 18 śniežnia ŭ tym kvadracie, dzie adbyŭsia incydent, adchilenaje.

17:43

Sudździa adchiliła chadajnictva advakataŭ Daškieviča i Łobava nakont miedycynskaj ekśpiertyzy. I ŭstalavańnia, čyja kroŭ była na tamponie.

17:28

Pa miedycynskaj ekśpiertyzie tampona sudździa prymie rašeńnie paźniej. Ciapier jana vyjšła ŭ daradčy pakoj.

17:25

Sudździa Šylko adchiliła chadajnictva ab telefonnych razmovaŭ Harbačovaj u pieryjad ad 16:00 da 16:40 18 śniežnia. Maŭlaŭ, Harbačova nie mahła chłusić.

17:16

«Navat kali heta kroŭ Łobava, to jak heta paŭpłyvaje na abvinavačvańnie?», — pytajecca sudździa Šylko.

Aŭsiańnikava kaža, što heta daść padstavu ličyć, što mienavita «paciarpiełyja» napali na Łobava i Daškieviča. I raźbili Łobavu hubu.

17:10

Prakuror kaža, što padstavaŭ nie daviarać śviedkam niama. Tamu patrebaŭ u dadatkovych daśledavańniach niama. Toje samaje datyčyć i miedycynskaj ekśpiertyzy.

17:06

Da materyjałaŭ spravy dałučanyja charaktarystyki na Łobava i Daškieviča.

17:03

Taksama Marjana Siamieška patrabuje daśledavać, ci byli Savicki i Małyšaŭ pryciahnutyja kali-niebudź da kryminalnaj i administracyjnaj adkaznaści.

17:00

Taksama jana prosić zapatrabavać uvachodziačyja telefonnyja zvanki na numar 102 uviečary 18 śniežnia.

Marjana Siamieška padtrymlivaje chadajnictvy Aŭsiańnikavaj ab miedycynskaj ekśpiertyzie Łobavu.

16:59

Advakat Alena Aŭsiańnikava zajaŭlaje, što Łobavu nie była zroblenaja miedycynskaja ekśpiertyza. Choć byŭ marlevy tampon z astatkami na im śladoŭ pieršaj hrupaj kryvi. Nieviadoma kamu jana naležyć. Dla hetaha treba zrabić miedycynskuju ekśpiertyzu.

16:58

Skončyŭsia razhlad materyjałaŭ spravy.

16:17

Zaklučeńnie miedekśpiertyzy pa źbićciu Savickaha było tolki 26 śniežnia. Tady jak incydent zdaryŭsia 18 śniežnia.

16:10

Dopyt śviedkaŭ skončany.

15:52

Małyšaŭ pytajecca praź ścienku, ci ŭśviedamlaje Łazar, što moža być pryciahnuty za niepraŭdzivyja śviedčańni.

«Tak, jak i vy», — nie razhubiŭsia chłopiec. Jahony adkaz vyklikaŭ apładysmienty.

15:42

U RUUSie Łazar tłumačyŭ majoru, što nievinavaty. Supracoŭniki milicyi, što zatrymlivali ich, u hetym nie ŭdzielničali.

15:40

Pavodle Łazara, ź im, Daškievičam, Łobavym źviartalisia ŭ pastarunku, jak z zatrymanymi. Z Małyšavym nie rabili ničoha, a voś Savickaha jon nie bačyŭ uvohule.

15:33

Łazar upeŭnieny, što Małyšaŭ pieršym nanios udar Daškieviču. Taksama bačyŭ zamach Savickaha na Łobava.

15:21

Łazar kaža, što vielmi dobra zapomniŭ Małyšava. Mienavita jon nanios udar Daškieviču ŭ žyvot.

Savicki adnačasova z hetym napaŭ na Łobava. Łazara ž niechta baluča ŭdaryŭ pa nazie. Jon navat nie zaŭvažyŭ chto, bo ŭsio było vielmi chutka.

15:06

Vyklikajecca na dopyt Dzianis Łazar. Jon byŭ zatrymany razam z Daškievičam i Łobavym. Ale potym byŭ adpuščany.

14:56

Maračkoŭ raskazvaje, što ŭ pastarunku Daškievič sprabavaŭ davieści, što apazicyjanier,

što bieź jaho buduć palić rezidencyju prezidenta.

14:54

Na absalutnuju bolšaść pytańniaŭ Maračkoŭ adkazvaje adnolkava: «Nie pomniu».

14:49

Kaža, što Savicki adrazu paskardziŭsia na stan zdaroŭja. Maŭlaŭ, jaho ŭdaryli łomam. Havoryć, što piešy patrul i mašyna prybyli na miesca adnačasova.

Pavodle Maračkova, Daškievič supraciva nie akazvaŭ.

14:32

Maračkoŭ kaža, što pabačyŭ na miescy zdareńnia, jak dva čałavieki zmahajucca. Maračkoŭ prybyŭ razam z kamandziram uzvodu Milincom.

Maračkoŭ bačyŭ, jak adzin čałaviek lažaŭ, a druhi jaho prytrymlivaŭ inšaha. Toj, jaki trymaŭ, skazaŭ, što zatrymaŭ napadajučaha.

14:27

Praces adnaviŭsia paśla pierapynku.

Źjaviŭsia śviedka Viktar Maračkoŭ. Pracuje milicyjanieram u pałku śpiecyjalnaha pryznačeńnia.

13:40

U sudovym pracesie abvieščany pierapynak da 14:15.

13:04

Kaža, na miesca prybyŭ, bo pa radyjostancyi pačuŭ infarmacyju ab bojcy.

«Siońnia ja mahu patrulavać u adnym miescy, zaŭtra — u inšym. Stabilnaści niama nijakaj», — kaža śviedka.

Ničym asablivym pakazańni Ziańkieviča nie adroźnivajucca ad słovaŭ papiarednich milicyjanieraŭ.

12:58

Pačynajuć dapytvać śviedku Ihara Ziańkieviča, milicyjant. Naparnik Tozika.

12:32

Śviedka Tozik kaža, što vinavatych vyznačyŭ nie jon, a kamandzir uzvodu.

12:25

Tozik śviedčyć, što ŭ Savickaha było raśsiačeńnie. Kaža, była kroŭ.

Tozik havoryć, što nie viedaŭ, chto takija Daškievič i Łobaŭ, čym jany zajmalisia.

12:16

Tozik kaža, što dziažuryŭ u toj dzień u Maskoŭskim rajonie. Byŭ zvanok, što adbyvajecca bojka. Tozik pryjšoŭ na miesca zdareńnia pieššu.

Pa prybyćciu jon pabačyŭ, što niekalki čałaviek zmahałasia. Ułasna Tozik zatrymlivaŭ Łobava.

«Łobaŭ i Savicki kačalisia ŭ śniezie», — kaža Tozik.

Kaža, što Savickamu jak bujnamu adzieli na ruki kajdanki. Łobaŭ vioŭ siabie spakojna.

12:12

Śviedka Viktar Maračkoŭ na sud nie źjaviŭsia, bo pavioz dzicia ŭ palikliniku.

Ciapier dapytvajuć Andreja Tozika, PMNS Minharvykankamu.

11:58

Daškievič: «Usio, što skazaŭ Karavy, było absalutnaj praŭdaj».

11:54

Karavy: «Na dadzieny momant, lepš by ja prajšoŭ mima hetaha zdareńnia i nie davaŭ nijakija pakazańni».

Śviatłana Harbačova paznać Karavaha nie moža.

11:52

Śviedka Karavy śćviardžaje, što nijakaha ŭdaru manciroŭkaj nie było.

11:47

Karavy kaža, što ŭ pakazańniach šmat što niapravilna zapisana. Pratakoł svajho dopytu jon pračytaŭ «nie zusim čotka».

11:44

Sudździa Alena Šylko dapytvaje, čamu Karavy nie paviedamiŭ padčas papiaredniaha dopytu, što čałaviek źvierchu nanosiŭ udary tamu, jaki byŭ pad im. «Apytvali vielmi biehła», — kaža śviedka.

Jaho apytali tolki praź miesiac paśla zdareńnia.

11:34

Karavy havoryć, što nie ŭžyvaŭ u toj dzień śpirtnych napojaŭ.

Advakatka Aŭsiańnikava pytajecca ŭ Karavaha, ci kazali jamu: «Idzi adsiul, my sami raźbiaromsia». «Nu tak, mahli być takija słovy».

Kryvi na tvary ni ŭ kaho prypomnić nie moža. «Kali b była kroŭ, to zaŭvažyŭ».

11:11

Karavy kaža, što zatrymańnie adbyłosia vielmi chutka. «Załamali ruki za śpinu ŭsim».

Paćviardžaje, što ŭ adnaho čałavieka ŭ rukach była manciroŭka čyrvonaha koleru. Čałaviek z manciroŭkaj išoŭ ad inšaha čałavieka, što lažaŭ na ziamli. Jon padyšoŭ da ludziej, što lažali na ziamli.

Kaža, što čałaviek, jaki źvierchu, dastaŭ telefon i sprabavaŭ niekudy pazvanić.

10:55

Karavy taksama ličyć, što bojka adbyłasia ŭ niadzielu 19 śniežnia. Jon viartaŭsia z pracy dadomu, paśla čaho pačuŭ kryki: «Dapamažycie!»

Pabačyŭ čałavieka, jaki lažaŭ na ziamli, a toj, što byŭ źvierchu «sprabavaŭ jaho kałašmacić». Vierchni nanosiŭ niekalki ŭdaraŭ, a toj, što byŭ źnizu, sprabavaŭ adbicca. «Rabiŭ usio mahčymaje, kab jaho nie bili».

Pobač znachodziŭsia jašče adzin čałaviek. «Ale pry mnie jon nikoha nie biŭ». Čałaviek, što lažaŭ na ziamli prasiŭ vyklikać milicyju. K

ali mierkavać z učorašniaha pasiadžeńnia, to heta byŭ Daškievič.

10:51

Dapytvajuć Juryja Karavaha. Pracuje aŭtaślesaram. Sam ź Bierazina, u Minsku žyvie na vulicy Lva Sapiehi — heta pobač z vulicaj Bryla. Byŭ śviedkam zdareńnia.

10:30

Harbačova ličyć, što incydent zdaryŭsia ŭ niadzielu 19 śniežnia.

10:24

Harbačova kaža, što nijakich krykaŭ ab dapamozie nie było. Mietaličnych pradmietaŭ u rukach ni ŭ kaho jana nie bačyła. Kryvi taksama nie bačyła.

10:16

Milicyjant zabaraniŭ prysutnym u zali «vykazvać emocyi». Heta vyklikała abureńnie ŭ zali.

Praces adnaviŭsia. Dapytvajuć śviedku Śviatłanu Harbačovu. Jana žyvie na vulicy Janki Bryla, dzie adbyŭsia incydent. Mienavita jana zaŭvažyła bojku i patelefanavała ŭ milicyju. Kaža, što ŭ bojcy ŭdzielničała, ci to šeść, ci siem čałaviek. Kaža, što bačyła, jak dvoje lažali na ziamli, a jašče dvoje ich prytrymlivali źvierchu. Jašče adzin čałaviek prosta lažaŭ na ziamli, a šosty chadziŭ i razmaŭlaŭ pa telefonie.

Harbačova prajšła mima i potym pazvaniła ŭ milicyju.

***

Siońnia, 23 sakavika, u sudzie Maskoŭskaha rajona praciahniecca sudovaje raźbiralnictva pa kryminalnaj spravie nad lidaram Maładoha frontu Źmitrom Daškievičam i jahonym paplečnikam Eduardam Łobavym.

Chłopcaŭ abvinavačvajuć u złosnym chulihanstvie. Nibyta jany viečaram 18 śniežnia źbili dvuch vypadkovych hramadzian.

«Paciarpiełyja» ŭ zale suda nie źjaŭlajucca. Jany adkazvajuć na pytańni z-za ścienki. Takim čynam, jany demanstrujuć, što bajacca dalejšaj raspravy.

I Małyšaŭ, i Savicki niepracujučyja, i navat nikoli nie pracavali. Na pytańnie adkul biaruć hrošy adkazvajuć: «Boh daje».Adzin

ź ich nie karystajecca mabilnikam, bo admaŭlaje «dasiahnieńni sučasnaj navuki».

Učora byli dapytanyja abvinavačanyja i paciarpiełyja. A taksama adzin śviedka. Siońnia praciahniecca dopyt śviedkaŭ.

• 0
• 0
• 0
• 0
• 0
• 0
• 0
• 0