Ukraina nie budzie prypyniać tranzit nafty pa naftapravodzie «Družba»
Premjer-ministr Ukrainy Dzianis Šmyhal zajaviŭ u Viarchoŭnaj Radzie, što tranzit nafty pa terytoryi Ukrainy idzie ŭ adpaviednaści z pałažeńniami Enierhietyčnaj chartyi i Pahadnieńnia ab asacyjacyi ź ES. Akramia taho, jon adpaviadaje ŭmovam sankcyjnaha režymu, ustanoŭlenaha ŭ Jeŭrasajuzie, jaki dazvalaje Vienhryi i Słavakii atrymlivać rasijskuju naftu trubapravodnym transpartam, paviedamlaje «Ukrinfarm».
«Spynieńnie tranzitu nafty pa naftapravodzie «Družba» budzie pramym parušeńniem Ukrainaj damovy da Enierhietyčnaj chartyi i Pahadnieńnia ab asacyjacyi ź ES pa Ukrainie. Pry hetym parušeńnie Ukrainaj svaich mižnarodnych abaviazacielstvaŭ pa biaśpiecy tranzitu moža być vykarystana jak dastatkovaja padstava dla pryciahnieńnia Ukrainy da adkaznaści za spynieńnie nadziejnaha i bieśpierabojnaha tranzitu nafty», — rastłumačyŭ Šmyhal.
Taksama Šmyhal zajaviŭ, što ŭrad nie płanavaŭ i nie płanuje padpisvać nijakich kantraktaŭ na tranzit rasijskaha hazu.
Na hetym tydni hrupa deputataŭ Viarchoŭnaj Rady zarehistravała zakonaprajekt, jakim prapanujecca zabaranić tranzit rasijskaj nafty i hazu na čas vajennaha stanovišča.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»27
Kamientary