Rasijski prapahandyst Tyhran Kieasajan pieražyŭ kliničnuju śmierć i znachodzicca ŭ komie
Pra heta paviedamiła jahonaja žonka, taksama prapahandystka Marharyta Simańjan.
Tyhranu Kieasajanu 59 hadoŭ, pavodle svajoj asnoŭnaj prafiesii jon režysior, ale ŭ peŭny čas staŭ taksama teleprapahandystam. U pryvatnaści, z 2016 hoda jon viadzie na telekanale NTV viačerniaje zabaŭlalnaje satyryčnaje šou «Mižnarodnaja piłarama», praź jakoje pravodzić usie asnoŭnyja rasijskija prapahandysckija naratyvy.
28 lutaha 2022 hoda, paśla ŭvarvańnia Rasii va Ukrainu, Tyhran Kieasajan byŭ uklučany ŭ sankcyjnyja śpisy Jeŭrapiejskaha sajuza za padtrymku palityki, jakaja padryvaje terytaryjalnuju cełasnaść Ukrainy i pahražaje jaje niezaležnaści i suvierenitetu. Pavodle arhumientacyi, u svajoj prahramie Kieasajan
«paśladoŭna adlustroŭvaŭ Ukrainu jak słabuju i karumpavanuju krainu, jakaja trymałasia tolki dziakujučy dapamozie Zachadu… Jon mierkavaŭ, što ŭkrainskija ŭłady nielehitymnyja. Jon nieadnarazova śćviardžaŭ, što Krym naležyć Rasii i što Danbas nie častka Ukrainy».
Paśla taho Tyhrana Kieasajana ŭnosili ŭ sankcyjnyja śpisy mnohich krain, u tym liku i za padtrymku poŭnamaštabnaj vajny va Ukrainie.
Z Marharytaj Simańjan Kieasajan aficyjna pabraŭsia šlubam u 2022 hodzie, ale faktyčna jany žyli razam z 2012-ha, majučy troch ahulnych dziaciej.
Kankretnyja pryčyny ciapierašnich prablem Kieasajana nie ahučvajucca, ale viadoma, što raniej jon pieranios dva infarkty. Adbyłosia heta ŭžo, praŭda, dastatkova daŭno, u 2008 i 2010 hadach. Pra chvoraje serca muža zhadvała ŭ svaim ciapierašnim dopisie i Simańjan.
Pavodle danych telehram-kanała «Baza», Kieasajan trapiŭ u balnicu ŭ kancy śniežnia.
Pamior rasijski prapahandyst Skot Bieniet. Simańjan ličyć, što jaho mahli zabić
Simańjan zaklikała pucincaŭ brać prykład z Muraŭjova-Viešalnika
Simańjan prapanavała zładzić nad Sibirju jadzierny vybuch, kab viarnucca ŭ «lichija 90-ja»
Kiraŭnik aparatu Pašyniana abvinavaciŭ rasijskija miedyja ŭ hibrydnaj vajnie suprać Armienii, a najbolšymi prapahandystami tam nazvaŭ armian
Ułady Kazachstana paabiacali zabaranić ujezd u krainu rasijskamu prapahandystu Kieasajanu
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj22
Kamientary
-A šo, nie žach?!
kobZonu prihoditsia.