Polšča budzie pryznavać biełaruskija školnyja atestaty na ŭzroŭni polskich
U ramkach svajho vizitu ŭ Polšču Śviatłana Cichanoŭskaja i čalcy Abjadnanaha pierachodnaha kabinieta sustrelisia ź ministarkaj nacyjanalnaj adukacyi Polščy Barbaraj Navackaj, paviedamlaje pres-słužba nacyjanalnaj lidarki.
U sustrečy razam sa Śviatłanaj Cichanoŭskaj brali ŭdzieł jaje namieśnik Pavieł Łatuška, pradstaŭnica pa moładzievaj palitycy i studenctvie Kabinieta Marharyta Vorychava, v.a. pradstaŭnika pa nacyjanalnym adradžeńni Kabinieta Pavieł Barkoŭski.
Siarod inšaha było abmierkavańnie pryznańnie biełaruskich atestataŭ
Pastanoŭlena, što biełaruskija atestaty ab siaredniaj adukacyi buduć pryznavacca na ŭzroŭni polskich dakumientaŭ, a patrabavańni da dakumientaŭ buduć unifikavany dla spraščeńnia pastupleńnia biełaruskich vučniaŭ u polskija škoły i ŭniviersitety.
Była abmierkavana budučynia liceja ŭ Hajnaŭcy z dadatkovaj biełaruskaj movaj navučańnia. Praciahvajecca pošuk aptymalnaha rašeńnia, kab zachavać unikalnuju rolu hetaj ustanovy dla biełaruskaj mienšaści.
Taksama budzie stvorany apieratyŭny kanał reahavańnia z udziełam Ministerstva nacyjanalnaj adukacyi Polščy i Pradstaŭnictva pa nacyjanalnym adradžeńni Kabinieta nakont reahavańnia na vypadki bulinhu.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»19
Kamientary