10 tysiač žycharoŭ Drezdena evakujavali paśla vyjaŭleńnia avijabomby časoŭ Druhoj suśvietnaj
Centr Drezdena evakujavali 9 studzienia paśla vyjaŭleńnia avijabomby časoŭ Druhoj suśvietnaj vajny. Na vybuchovaje prystasavańnie natyknulisia padčas razborki častkova abrynutaha mosta Karoły praz Elbu. Ułady nieadkładna pryniali rašeńnie ab evakuacyi, piša Euronews.
9 studzienia ranicaj palicyja ačapiła rajon, jaki prymykaje da miesca vyjaŭleńnia bomby, i pravieryła, ci ŭsie žychary pakinuli svaje damy. Takoje rasparadžeńnie atrymali ŭ ahulnym liku dziesiać tysiač žycharoŭ Drezdena ŭ radyusie da adnaho kiłamietra ad miesca vyjaŭleńnia bomby. Evakuacyi padlahali taksama pastajalcy najbližejšych hatelaŭ.
Tolki paśla pravierki ratavalniki pačali abiasškodžvać miechanizm. Časova pieramieščanych raźmiaścili ŭ miascovym vystavačnym centry, tut ža razharnuli punkt pa akazańni ekstrannaj dapamohi. Dla pieravozki ludziej vykarystoŭvalisia aŭtobusy.
Nierazarvanuju 250-kiłahramovuju bombu znajšli ŭ stalicy ziamli Saksonija 8 studzienia. Pry hetym adzin z pralotaŭ mosta Karoły praz Elbu abrynuŭsia jašče ŭ vieraśni. Pryčynaj hetaha stała karozija i «stomlenaść» stalovaj apornaj kanstrukcyi. Pry padzieńni nichto nie paciarpieŭ.
Drezden sumna prasłaviŭsia padčas Druhoj suśvietnaj vajny jak horad, na jaki ŭ lutym 1945 hoda sajuźniki skinuli 4 000 bombaŭ, pieratvaryŭšy centr u ruiny i zabiŭšy 25 000 čałaviek.
Akaŭnt Kabančuka ŭzłamali — ale ci biełaruskija śpiecsłužby?11
Kamientary
Na hetym budynkie jašče 15 hod tamu byli nadpisy 2 śvietavoj pa ruski a na suprać most..
Vypadak ?))Trapna nahadvaje Historyja ostenemcam da čaho davodzit " hałasavańnie" za papulistaŭ