Biełaruska znajšła tannuju ikru i kraba — zakupiłasia na 200 rubloŭ, ale heta była pamyłka
Adzin pradaviec prapanoŭvaŭ u Instagram tannuju ikru. Taćciana heta ŭbačyła i pieraviała jamu na kartu 192 rubli — stolki prasili za paŭkiłahrama čyrvonaj ikry i jašče paŭkiłahrama kraba, piša Onliner.by.
— U Biełarusi źjavilisia «pradaŭcy pavietra». Svajačka «kupiła» ikru i kraba. Ničoha, viadoma, nie dasłali, a potym jašče i fišynhavuju spasyłku na «viartańnie srodkaŭ» adpravili. Dobra, što nie stali ŭvodzić danyja karty, — napisała ŭ redakcyju čytačka.
Akaŭnt seafood.by pačali aktyŭna napaŭniać z 29 śniežnia minułaha hoda, i za tydzień tam nabrałasia bolš za 24 tysiačy padpisčykaŭ.
Pierapiska z pradaŭcom viałasia praz Telegram, a nizkija ceny jon tłumačyŭ «źnižkami». Taćciana pieraviała hrošy, ale praz dva dni joj skazali, što dastaŭki nie budzie. Stała zrazumieła, što hrošy viarnuć nie atrymajecca.
— Dobry navahodni nastroj rassłabiŭ i padšturchnuŭ da hetaj pakupki, — reziumuje čytačka.
Zaraz hety akaŭnt na paviedamleńni nie adkazvaje.
Jak kupić tavar praz Instagram i nie zhubić hrošy
Kali pradaviec prosić pierasłać apłatu na asabistuju bankaŭskuju kartu, to ŭ vas niama nijakich harantyj atrymańnia tavaru. Pa zakonie ŭ Biełarusi prasić pieraličvać hrošy na asabistuju kartu mohuć tolki ramieśniki.
Vy majecie spravu ź internet-kramaj, jakaja pracuje ŭ Biełarusi aficyjna, kali ŭ jaje jość asobny sajt, dzie ŭkazanyja źviestki pra jaje rehistracyju, a sam sajt uniesieny ŭ handlovy rejestr. Machlaram nieskładana zrabić adnatypny sajt i ŭkazać tam prydumanyja danyja IP, ale ŭ handlovy rejestr prosta tak nie trapiš.
Kamientary