U Śvietłahorsku zvolnili milicyjaniera, jaki ŭdzielničaŭ u represijach. Ciapier jon sudzicca z UUS
Maksim Astašaŭ uznačalvaŭ kryminalna-vykanaŭčuju inśpiekcyju AUS Śvietłahorskaha rajvykankama.
Pazoŭ Maksima Astašava da UUS Homielskaha abłvykankama razhladaje 3 studzienia sud Centralnaha rajona Homiela. Pradmiet sprečki — «pryznańnie niezakonnym zahadu ab zvalnieńni, źmianieńnie farmuloŭki pryčyn zvalnieńnia».
Danyja pazoŭnika całkam supadajuć z danymi načalnika kryminalna-vykanaŭčaj inśpiekcyi AUS Śvietłahorskaha rajvykankama. Na sajcie rajvykankama jon dahetul paznačany na hetaj pasadzie, jak načalnik inśpiekcyi zhadvaŭsia i ŭ rajonnaj haziecie, piša «Fłahštok».
Pieršyja publikacyi pra Astašava źjavilisia ŭ 2020 hodzie. Jak śćviardžaje «Čornaja kniha Biełarusi», u toj čas jon pracavaŭ učastkovym inśpiektaram i padčas pratestaŭ suprać falsifikacyi prezidenckich vybaraŭ masava składaŭ pratakoły za ŭdzieł u niesankcyjanavanych akcyjach, «u tym liku i za jazdu na rovary». Taksama adznačajecca, što hety milicyjanier davaŭ śviedčańni, «u jakich nibyta apaznavaŭ vinavatych, navat nie bačačy ich tvaraŭ».
Z taho času major dasłužyŭsia da načalnika kryminalna-vykanaŭčaj inśpiekcyi, a zatym pa niejkich pryčynach byŭ zvolnieny. Ciapier jon vymušany sudzicca z UUS.
38-hadovaha vajskovaha lotčyka sudziać za abrazu Łukašenki6
Kamientary