Na rynku ŭžo faktyčna nie zastałosia biznes-centraŭ, jakija stajać całkam pustymi. Adnak novyja abjekty mohuć uzmacnić kankurencyju, piša vydańnie Thinktanks.pro.
Paśla masavaha pakidańnia Biełarusi ajcišnikami ŭ 2022 i pačatku 2023 hoda biznes-centry Minska apuścieli. Niezapatrabavanyja płoščy dachodzili da 20% rynku. Adnak u 2024 hodzie situacyja pačała viartacca da normy.
Pavodle danych analityčnaj kampanii Colliers, z pačatku hoda vakantnaść źniziłasia na 5 pracentnych punktaŭ i ciapier składaje 13%. Na rynku ŭžo faktyčna nie zastałosia abjektaŭ, jakija stajać całkam pustymi.
Kali nie brać u raźlik biznes-centry — novabudoŭli, uviedzienyja ŭ ekspłuatacyju ŭ apošnija miesiacy, niezapoŭnienym zastajecca faktyčna tolki adzin biznes-centr — Capital Palace.
Prapanova nievialikich jakasnych płoščaŭ vyčarpanaja. Pustavać zastajucca ofisy ŭ biznes-centrach u addalenaj łakacyi, z vysokimi staŭkami i z pamieram pamiaškańniaŭ, jakija pieravyšajuć zapyt asnoŭnaj doli arandataraŭ.
Niahledziačy na niadaŭniuju situacyju lišku ofisaŭ, deviełapiery praciahvali budavać novyja biznes-centry. U trecim kvartale na rynak pryjšło 21,4 tys. kv. m novych prydatnych dla arendy płoščaŭ. Tak, uviedzieny ŭ dziejańnie šmatfunkcyjanalny kompleks ź biznes-centram kampanii «BiełHłobałHarant» na praśpiekcie Pieramožcaŭ, 63v ahulnaj płoščaj 26,8 tys. kv. m.
Ciapier abjom ofisnaj nieruchomaści składaje 1 092 tys. kv. m. Da kanca hoda jon moža pavialičycca na 24,1 tys. kv. m z uvodam biznes-centraŭ u MFK Prizma i Golden Pearl. Uvod BC «Levada» čakajecca nie raniej za pačatak 2025 hoda.
Ekśpierty dapuskajuć u najbližejšaj budučyni źjaŭleńnie na rynku novych hulcoŭ, jakija buduć naroščvać štaty, a ŭ niekatorych siektarach navat mahčymy deficyt piersanału. Usio heta pavysić popyt na arendu nieruchomaści.
U centry Minska vystavili na tarhi niezvyčajny pa formie budynak
Dyrektar biełaruskaj IT-kampanii Gurtam nazvaŭ hałoŭny sakret pośpiechu
Šakucin zalacieŭ minimum na $40 miljonaŭ
U kancy žniŭnia ŭ Minsku adkryjecca novy handlovy centr
Narešcie ažyvaje? Što adbyvajecca ŭ biełaruskaj ajcišcy paśla praciahłaha skaračeńnia
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha16
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary
Nie obmanyvajtieś - v łukašiźmie NIET biźniesa.