Andrej Dźmitryjeŭ nie bačyć sensu vyłučać demakratyčnych kandydataŭ na prezidenckich vybarach-2025
Pieršy strym paśla vyzvaleńnia z kałonii pravioŭ 31 kastryčnika eks-kandydat u prezidenty, były kiraŭnik hramadskaha abjadnańnia «Havary praŭdu» Andrej Dźmitryjeŭ, piša «Pozirk».
«Ja zaŭsiody byŭ upeŭnieny, što ŭdzielničać [u vybarčaj kampanii] treba, i my mnoha spračalisia ź inšymi ŭdzielnikami palityčnych partyj i arhanizacyj. Heta pieršaja kampanija, dzie ja dumaju, što zadača hałoŭnaja nie ŭ tym, kab abaviazkova vyłučyć kandydata. Ja dumaju, što heta moža dać chutčej niehatyŭny efiekt», — zajaviŭ Dźmitryjeŭ padčas anłajn-tranślacyi ŭ svaim instahram-akaŭncie, za jakoj u rozny čas sačyła ad 85 da 104 čałaviek.
Kandydat u prezidenty na vybarach-2020 nahadaŭ, što siońnia jość «partyja ŭłady», jakaja «vyłučaje takich multykandydataŭ», i ŭ hetych umovach «hałoŭnaj dataj źjaŭlajecca nie 26-ha, hałoŭnaj dataj źjaŭlajecca 27 studzienia i jaki šlach budzie ŭziaty paśla hetaha».
«Heta budzie šlach na jašče bolšaje pavieličeńnie kanfrantacyi ŭnutranaj, źniešniaj, šlach, jaki budzie jašče bolš pavialičvać izalacyju? Ci heta budzie šlach pastupovaha, ale ŭnutranaha astyvańnia, pašyreńnia prastory dla dyjałohu, uklučeńnia Biełarusi ŭ mižnarodny paradak dnia?» — pastaviŭ pytańnie Dźmitryjeŭ.
Jon začytaŭ kamientar žančyny, jakaja vykazała mierkavańnie, što «budzie tolki horš», i častkova ź joj zhadziŭsia.
«Nas čakajuć vielmi składanyja časy mienavita z punktu hledžańnia mižnarodnaha paradku. Nie chaču być pradvieśnikam i kahości pužać, ale, kaniečnie, pravodziačy anałohii histaryčnyja, pakul my idziom najhoršym z mahčymych trendaŭ… Kali hladzieć na toje, jak raźvivajucca adnosiny, jak baki, jakija prociborstvujuć, adzin da adnaho staviacca, jak jany adzin adnaho nie čujuć, jakuju metu jany staviać», — ličyć Dźmitryjeŭ.
Palityk źviarnuŭ uvahu, što heta pieršy raz, kali na vybary iduć čynoŭniki.
«Takoha jašče nie było. Zaŭsiody było, što heta byli ludzi praŭładnyja ci z alternatyŭnymi pohladami. A tut, možna skazać, dośvied, jaki ŭziali ź miascovych i parłamienckich kampanij i pieranieśli ŭ prezidenckuju», — adznačyŭ pramoŭca.
Na vybarach-2020 Dźmitryjeŭ atrymaŭ, pavodle infarmacyi Centrvybarkama, 1,21% hałasoŭ. Pavodle pratakołaŭ z učastkaŭ, dzie padlik hałasoŭ vioŭsia ŭ prysutnaści niezaležnych naziralnikaŭ, jon nabiraŭ navat mienš: tolki kala 0,4% hałasoŭ.
U studzieni 2023 hoda palityk byŭ zatrymany i paśla asudžany na paŭtara hoda pazbaŭleńnia voli pa č. 1 art. 342 Kryminalnaha kodeksa za «aktyŭny ŭdzieł u dziejańniach, jakija hruba parušajuć hramadski paradak». Vyjšaŭ na volu 20 krasavika 2024 hoda, adbyŭšy termin źniavoleńnia.
Dziadula ź Viciebska zapościŭ fota sa skrynkaj ad televizara i staŭ zorkaj tyktoku. A jaho siabar pieratvaryŭsia ŭ miem4
Kamientary
A spadara Dźmitryjeva nasamreč škada. Kaniešnie, kali kraina akupavana i sadžajuć za łajk - niama sensu vyłučać demakratyčnych kandydataŭ, bo heta kandydy ŭ palitviaźni. I naŭradci jon sumlenna choča vyvieści złačyncu ź jahonaj zhrajaj sadystaŭ ź mižnarodnaj izalacyi - heta častka damovy z chuntaj i varta stavicca da takich zajaŭ jaa da "pakajalnych videa". Tamu jak z-pad akupacyi niama mahčymaści vykazvać svaje dumki publična i biez nastupstvaŭ.
A voś matyvacyju nazyvać publična hety cyrk "vybarami prezidenta", znachodziačysia ŭ volnaj krainie JEZ, možna akreślić prosta - pierahornutaja staronka. I voś heta sapraŭdnaja problema. Bo tyja, što musiać spryjać parazumieńniu, spryjajuć jakraz advarotnamu.
Žyvie Biełaruś!
Słava Ŭkrainie!