„pakul my idziem najhoršym z mahčymych trendaŭ". Nie my idziem, a nas viaduć tak.

Pamiataju, jak Niaklajeŭ rasčaravana vykazaŭsia, što jaho ŭciahnuli ŭ brudnuju spravu nieprystojnyja ludzi (nie cytata, ale sens taki). Jon dystancyjavaŭsia ad "Havary praŭdu" i bolš ź imi nie mieŭ spravaŭ. Pakazalna? Dla mianie - tak.

Mutny, uciahnuli ci ŭciahnuŭsia – dobraje pytańnie, ale mienavita Dźmitryjeŭ pryvioz Kastusiovu 100 tysiač dalaraŭ z Maskvy za źniaćcio z vybaraŭ na padtrymku Niaklajeva

Iznoŭku NN začymści nazyvaje łukašenkašski surahat "prezidenckimi vybarami"...

A spadara Dźmitryjeva nasamreč škada. Kaniešnie, kali kraina akupavana i sadžajuć za łajk - niama sensu vyłučać demakratyčnych kandydataŭ, bo heta kandydy ŭ palitviaźni. I naŭradci jon sumlenna choča vyvieści złačyncu ź jahonaj zhrajaj sadystaŭ ź mižnarodnaj izalacyi - heta častka damovy z chuntaj i varta stavicca da takich zajaŭ jaa da "pakajalnych videa". Tamu jak z-pad akupacyi niama mahčymaści vykazvać svaje dumki publična i biez nastupstvaŭ.

A voś matyvacyju nazyvać publična hety cyrk "vybarami prezidenta", znachodziačysia ŭ volnaj krainie JEZ, možna akreślić prosta - pierahornutaja staronka. I voś heta sapraŭdnaja problema. Bo tyja, što musiać spryjać parazumieńniu, spryjajuć jakraz advarotnamu.

Žyvie Biełaruś!
Słava Ŭkrainie!

Šanoŭnaja redakcyja Našaj Nivy, pierastańcie, kali łaska, nazyvać toje, što adbudziecca 26.10.25 i da taho, "vybary". Niaŭžo žurnalisty i redaktary niedziaržaŭnaha miedyja nie viedajuć, što takoje vybary?

Nieabchodnyja atrybuty vybaraŭ - najaŭnaść ŭ palityčnym śpiektry krainy roznych idej, lehalnaja dziejnaść roznych palityčnych siłaŭ, jakija hetyja idei prasoŭvajuć i mahčymaść vieści adkrytuju i raŭnapraŭnuju ahitacyju za svaje idei kožnaj palityčnaj sile (kandydatu). I raniej u Biełarusi pra raŭnapraŭnyja mahčymaści movy nie išło. Ale ciapier...

U Biełarusi zaraz abvieščanyja niezakonnymi i likvidavanyja ŭsie palityčnyja siły, pohlady jakich adroźnivajucca ad pohladaŭ hrupoŭki, što nielehalna ŭtrymlivaje ŭładu, za vykazvańnie luboha mierkavańnia suprać hrupoŭki, jakaja trymaje ŭładu, albo supracoŭnikaŭ karnych orhanaŭ, jakija zabiaśpiečvajuć utrymańnie ŭłady tajeiu hrupoŭkaju, adrazu ŭžyvajucca žorstkija represii, srodkaŭ masavaj infarmacyi, nieŭbudavanych u sistemu ŭłady hrupoŭki, što trymaje ŭładu, u krainie niama, a tyja, jakija viaščajuć z-za miažy, abvieščanyja pa-za zakonam i navat za čytańnie infarmacyi ź ich ludziej žorstka represujuć, a za raspaŭsiud ułasnych mierkavańniaŭ praz hetyja ŚMI represii asabliva žorstkija.

Plus - niemahčymaść arhanizavać niezaležnaje nazirańnie, represii za pieradaču luboj infarmacyi, u tym liku i pra toje, što adbyvajecca padčas hetaj akcyi, arhanizacyjam, jakija zvonku manitorać situacyju ŭ krainie. "Zavočny" kryminalny pieraśled biełaruskich palitykaŭ, jakija viaduć svaju dziejnaść za miežami krainy i adkrytyja pahrozy ich palityčna matyvavanaha źniavoleńnia ŭ vypadku ich trapleńnia na terytoryju krainy. Nu i najaŭnaść mnohich sotniaŭ, a mahčyma, i tysiač, ludziej, źniavolenych pavodle adkryta palityčnych abvinavačvańniaŭ, u tym liku vyznanych pravaabarončaj supolnaściu palityčnymi źniavolenymi.

Faktyčna, situacyja takaja samaja, jak na "refierendumach" u akupavanych rasijaj častkach Chiersonskaj i Zaparožskaj abłaściej. Ale tyja "refierendumy" nichto refierendumami nie ličyć i surjozna nie ŭsprymaje.

A našyja niezaležnyja ŚMI pišuć pra toje, što maje adbycca ŭ Biełarusi, jak realna pra vybary - biez dvukośsia, ź niejkimi razvažańniami, z reakcyjaj na kožny pčych taje CVK i kožny krok butaforskich "kandydataŭ", niby heta sapraŭdy palityčnaja kampanija. Tym samym hetaj akcyi nadajecca niejkaja palityčnaja značnaść. Heta nie musić być! Heta prosta prapahandysckaja akcyja takoha samaha ŭzroŭniu palityčnaj značnaści, jak "pojezd pobiedy" ci "marafon jedinstva", jakija hastralujuć haradami Biełarusi. Nie bolš!

Nielha, kab i ŭ ludziej unutry Biełarusi, i ŭ mižnarodnych partnioraŭ demakratyčnych siłaŭ skłałasia ŭražańnie, što ŭ Biełarusi adbyvajecca vybarčaja kampanija. Asabliva na Zachadzie ludzi (navat palityki, nie kažučy ŭžo pra zvyčajnych dziaržaŭnych čynoŭnikaŭ) realna ž nie razumiejuć, što voś toje, što adbyvajecca ŭ Biełarusi - heta nie vybary, kali my sami heta nazyvajem słovam "vybary". Mnohija tam, žyvučy ŭ demakratyčnym śviecie, navat da hetaha času nie razumiejuć situacyju ŭ Biełarusi - pra heta śviedčać piermanientna vynikajučyja kiejsy z admovami ŭ abaronie z abhruntavańniem tym, što ŭ Biełarusi ludziam ničoha nie pahražaje, zatrymańniami na zapyty karnych orhanaŭ Biełarusi i padobnyja rečy, jakim užo my pierastali navat ździŭlacca.

Skarektujcie naratyvy, nie retranślujcie prapahandu i ahitacyju hrupoŭki, jakaja trymaje ŭładu ŭ Biełarusi. Heta zaraz sapraŭdy vielmi važna. Nie lehitymizujcie dyktaturu praz słova "vybary" bieź niejkich dadatkovych tłumačeńniaŭ.

Heta budzie šlach na jašče bolšaje pavieličeńnie kanfrantacyi ŭnutranaj, źniešniaj, šlach, jaki budzie jašče bolš pavialičvać izalacyju?

Tady navošta jon u 2020 nie źniaŭsia za niekalki dzion da pačatku hałasavańnia i zrabiŭ usio, kab svajoj sacyjalnaj rytorykaj miascovaha ŭzroŭniu aćciahnuć hałasy ad Cichanoŭskaj u momant, kali hałoŭnaj stratehijaj pieramohi demakratyčnych sił byli masavaja mabilizacyja hramadctva i pierakulvajučaje hałasavańnie za adzinaha demakratyčnaha kandydata? Vidavočna, što Dźmitryjeŭ u 2020 uvohule nia mieŭ šansaŭ na pieramohu, ale mienavita pieramoha Cichanoŭskaj davała jamu surjeznyja šansy na pośpiech na pieršych za doŭhija hady sumlennych vybarach, chutkaje praviadzieńnie jakich było trecim punktam prahramy Cichanoŭskaj. Ale zamiest hetaha Dźmitryjeŭ davoli hrebliva staviŭsia da Cichanoŭskaj i pa sutnaści asabista stvaraŭ kanfrantacyjny składnik.

Ci heta budzie šlach pastupovaha, ale ŭnutranaha astyvańnia, pašyreńnia prastory dla dyjałohu, uklučeńnia Biełarusi ŭ mižnarodny paradak dnia?

Tut pajšła pramaja chłuśnia, bo instytuty biełaruskich demakratyčnych siłaŭ u vyhnańni robiać ŭsio mahčymaje i niemahčymaje dziela ŭklučeńnia Biełarusi ŭ mižnarodny paradak dnia. Ale mienavita Biełarusi, a nie Łukašenki i jahonych emisaraŭ. I što takoje "ŭnutranaje astyvańnie" - pramaja prapanova spynić cisk, pierahornuć staronku i depalityzavacca? Jaki dyjałoh maje naŭvazie spadar Dźmitryjeŭ va ŭmovach, kali represii nie źnižajucca i lubaja sproba vykazvańnia niazhody z režymam niasie surjeznuju ryzyku patrapić za kraty ŭ katavalnyja ŭmovy na niepradkazalny termin? I jak heta sumiaščajecca z radykalnym pa sučasnych mierkach jahonym našumiełym artykułam na veb-sajcie niamieckaha fonda va ŭmovach, kali biełarusy traplajuć na hubazikaŭskija pakajalnyja videa za našmat mienšyja "parušeńni"? Darečy, tyj artykuł adrasavany čamuści nie demakratyčnym siłam, subjektnaść jakich uparta admaŭlajecca režymam, a mienavita zachadu. Ci nie zaŭvažaje spadar Dźmitryjeŭ za saboju kryvadušnaści? Kali spadar Dźmitryjeŭ tak prahnie ŭnutrybiełaruskaha dyjałohu, to chaj by jon i pačaŭ jaho z sabie. Naprykład - vyklikaŭ na publičnyja debaty kahości z upłyvovych pradstaŭnikoŭ režymu. Tolki realnych - z pasadaj albo sa zrazumiełym mandatam. Nie biezadkaznych proksi kštałtu Vaskrasienskaha albo naminalnaha apazicyjaniera Hajdukieviča, a naprykład Krutoha, Ryžankova, Piatkievič, Kačanavu albo kahości z kiraŭnictva Biełaj Rusi jak pradstaŭnikoŭ farmalna kirujučaj partyi. A moža navat asabista Łukašenka pahadzicca.