Padčas svajho vizitu ŭ Isłandyju biełaruskaja demakratyčnaja lidarka Śviatłana Cichanoŭskaja ŭpieršyniu sustrełasia z novaj prezidentkaj hetaj krainy Chałaj Tamasdocir, jakaja zaniała pasadu tolki ŭ žniŭni 2024 hoda.
Padčas sustrečy Cichanoŭskaja i Tamasdocir abmiarkoŭvali prablemu rostu represij i pavieličeńnie cisku na biełarusaŭ z boku režymu Łukašenki jak unutry krainy, tak i za jaje miežami. Taksama zakranuli pytańnie mietadaŭ vyzvaleńnia i sposaby dapamohi palitźniavolenym, u tym liku — ludziam, jakija znachodziacca ŭ režymie inkamunikada.
Akramia taho, razmaŭlali pra važnaść padtrymki biełaruskich niezaležnych miedyja, biznesu i kulturnickich inicyjatyŭ dy arhanizacyj, a taksama padtrymki Ukrainy.
«Ja ščyra ŭdziačnaja Isłandyi za ŭsiebakovuju padtrymku ŭ dačynieńni da biełarusaŭ. Dziakujučy prezidentcy Chale Tamasdocir i premjer-ministru Bjarni Bieniedyktsanu, hołas biełarusaŭ pačuli na Paŭnočnaj Radzie — i heta adkryvaje nam šlach dla jašče bolš ščylnaha supracoŭnictva z Paŭnočnymi krainami», — zajaviła padčas sustrečy Cichanoŭskaja.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia1
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary