Padčas pavietranych udaraŭ pa vajennych abjektach na terytoryi Irana ŭ minułuju subotu Izrail źniščyŭ try zienitna-rakietnyja kompleksy S-300 rasijskaj vytvorčaści, jakija zastalisia na ŭzbrajeńni Irana.
Pra heta paviedamlaje hazieta The Wall Street Journal sa spasyłkaj na amierykanskich i izrailskich aficyjnych asobaŭ.
Hetyja kompleksy, što źjaŭlalisia klučavym elemientam sistemy SPA Irana, zmahli, pavodle haziety, pierachapić, u lepšym vypadku, niekalki z sotniaŭ rakiet, vypuščanych pa celach u Iranie padčas pavietranaj ataki, u jakoj prymali ŭdzieł sto izrailskich bajavych samalotaŭ. Try z čatyroch kompleksaŭ, pastaŭlenych Rasijaj Iranu, byli źniščanyja padčas hetaj ataki. Čaćviorty byŭ źniščany raniej.
Pavodle danych amierykanskaha Instytuta vyvučeńnia vajny (ISW), adzin z kompleksaŭ S-300 znachodziŭsia pobač z aeraportam Tehierana, dva inšyja prykryvali abjekty enierhietyčnaj infrastruktury — naftavy port, naftapierapracoŭčy zavod i radovišča pryrodnaha hazu, piša rasijskaja słužba «Radyjo Svaboda».
ZRK S-300, što znachodzilisia na ŭzbrajeńni Irana, źjaŭlajucca madernizavanaj u kancy 1990-ch hadoŭ viersijaj hetaha kompleksu, jaki pastupiŭ na ŭzbrajeńnie savieckaj armii ŭ kancy 1970-ch.
Pa słovach analitykaŭ, sa strataju kompleksaŭ S-300 mnohija krytyčna važnyja abjekty Irana zastajucca biezabaronnymi pierad rakietnymi atakami. Mahčymaściaŭ atrymać ad Rasii bolš sučasnyja ZRK S-400 u jaho niama, bo Rasija vykarystoŭvaje ŭsie reziervy dla viadzieńnia bajavych dziejańniaŭ va Ukrainie.
Hety incydent, razam sa źniščeńniem niekalkich rasijskich kompleksaŭ S-300 ukrainskaj armijaj padčas bajavych dziejańniaŭ va Ukrainie i paśpiachovymi ŭdarami ŭkraincaŭ pa bolš sučasnych rasijskich ZRK S-400, nanosić surjozny ŭron reputacyi rasijskaj abaronnaj pramysłovaści. Hazieta cytuje analitykaŭ, jakija ličać, što tradycyjnyja klijenty rasijskaha VPK, chutčej za ŭsio, pačnuć šukać alternatyŭnych pastaŭščykoŭ uzbrajeńnia, što moža być na ruku paŭdniovakarejskim, izrailskim, amierykanskim i kitajskim vytvorcam uzbrajeńnia.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary
S učiotom toho, čto za poślednije dva hoda, odna Zapadnaja Jevropa potratiła 190 młrd. dołłarov na svojo pierievooružienije...
Nu, raźvie riešit shorieť v jadiernom pieple vmiestie s svoimi bunkierami i Rośsijej, i to, navriad pozvolat.