Mužčyna palataŭ nad Viciebskam na kanapie z dapamohaj pavietranaha šara. Čym heta skončyłasia
Niezvyčajny markietynhavy chod adbyŭsia jašče ŭ vieraśni, ale videa palotu nabyło papularnaść krychu paźniej i narabiła stolki šumu, što navat pryciahnuła ŭvahu prakuratury.
Na kanapie ŭ nieba padniaŭsia kiraŭnik adździeła markietynhu meblevaj fabryki «Savłukoŭ-Mebla». Usio heta mieła na mecie pryciahnuć uvahu da brendu niestandartnym sposabam, nahadvaje Onliner.by,
Na dniach Viciebski sud razhledzieŭ spravu ŭ dačynieńni da piłota pavietranaha šara, jaki arhanizavaŭ hety palot.
Zhodna z materyjałami suda, mužčyna padaŭ zajaŭku na navučalny palot, adnak faktyčna heta byŭ demanstracyjny kamiercyjny palot z kanapaj i čałaviekam na joj. Heta paličyli parušeńniem praviłaŭ vykarystańnia pavietranaj prastory.
Padčas sudovaha pasiadžeńnia piłot całkam pryznaŭ svaju vinu i nie asprečvaŭ abstaviny zdareńnia.
Sud pryjšoŭ da vysnovy, što vina piłota dakazanaja, i, na padstavie častki 1 artykuła 18.35 KaAP («Parušeńnie praviłaŭ vykarystańnia pavietranaj prastory»), nakłaŭ na jaho štraf u pamiery 15 bazavych vieličyń — heta 600 rubloŭ.
Pastanova pakul nie ŭstupiła ŭ zakonnuju siłu i moža być abskardžana.
Kamientary