U Drazdach vyratavali babra, jaki pravaliŭsia ŭ adkryty kałodziež
Biedałahu, jaki ŭpaŭ u adkryty kałodziež, vyjaviŭ ratavalnik Michaił Tanyhin u vioscy Drazdy Biešankovickaha rajona. Žyviolina mitusiłasia ŭ kałodziežy hłybinioj kala 3,5 mietra i samastojna vybracca nie mahła.
Kab dapamahčy vybracca žyviolinie z pastki, pryciahnuli roznyja słužby. Vyłavić babra sačkom ci inšymi padručnymi srodkami nie ŭdałosia.
Žyviolina kateharyčna admaŭlałasia słuchacca.
Paśla niaŭdałych sprob było vyrašana zapoŭnić kałodziež vadoj, kab žyviolina vypłyła na pavierchniu. Biešankovicki vodakanał nakiravaŭ śpiectechniku z vadoj.
Apieracyja pa vyratavańni zaviaršyłasia paśpiachova: hryzun sam vypłyŭ na pavierchniu i ŭciok u zvykłaje dla jaho asiarodździe
Kamientary