Anžalika Borys: Pačobut pahadziŭsia na vyjezd ź Biełarusi jašče ŭ krasaviku
Kiraŭnica niepryznanaha ŭładami Sajuza palakaŭ Biełarusi Anžalika Borys raskazała polskamu vydańniu Rzeczpospolita, jak prachodziła jaje sustreča ŭ turmie z palitviaźniem Andrejem Pačobutam. Pavodle słoŭ Borys, Pačobut jašče ŭ krasaviku pahadziŭsia pakinuć Biełaruś.
Anžalika Borys była adzinaj, chto za doŭhi čas mieŭ mahčymaść na svaje vočy ŭbačyć Andreja Pačobuta, jaki adbyvaje prysudžany jamu vaśmihadovy termin źniavoleńnia. Pra hetuju sustreču jana paprasiła asabista Łukašenku, dasłaŭšy jamu list.
Sustreča adbyłasia ŭ krasaviku u Navapołackaj kałonii, Pačobut i Borys razmaŭlali dźvie z pałovaj hadziny.
«Pa majoj prośbie jon pahadziŭsia pakinuć krainu, — raskazvaje Borys. — Andrej vyhladaŭ vielmi drenna. U mianie serca razryvałasia», — tak jana apisvaje stan Pačobuta.
Adrazu paśla hetaha jana adpraviłasia ŭ Varšavu i pieradała hetuju infarmacyju prezidentu Andžeju Dudu, ź jakim sustrełasia 15 krasavika. Pra sam fakt sustrečy tady paviedamiła pres-słužba Dudy, ale biez padrabiaznaściaŭ.
«Ja zaklikała da pieramoŭ ab vyzvaleńni Andreja. Ja prasiła i budu prasić taksama biełaruskija ŭłady, kab jaho situacyja źmianiłasia. Havorka idzie pra žyćcio majho kalehi», — havoryć Anžalika Borys.
Łukašenka dazvoliŭ spatkańnie ŭ kałonii Anžaliki Borys z žurnalistam Andrejem Pačobutam
Andžej Pačobut byŭ hatovy vyjechać ź Biełarusi — Rzeczpospolita
«Heta nie niazłomnaść, heta adekvatnaść». Siabry Andžeja Pačobuta pra toje, čamu jon nie zdajecca
Vaskrasienski choča, kab Pačobuta pryjechaŭ zabirać asabista Sikorski
Kamientary