Śviet2222

U Čarkaskaj vobłaści kryminalny aŭtarytet vyklikaŭ na razborki byłoha abaroncu Bachmuta, źbiŭ i prymusiŭ vybačacca

Što pasłužyła pryčynaj dla kanfliktu i što budzie dalej?

Anatol Hančarenka Anatolij Hončarienko Anatoly Goncharenko
Anatol Hančarenka. Fota: skrynšoty videa z sacsietak

Jak paviedamlaje Ofis hienieralnaha prakurora Ukrainy, prakuratura Śmielanskaha rajonu Čarkaskaj vobłaści zaviała kryminalnuju spravu na miascovaha kryminalnaha aŭtaryteta.

Pryčynaj pasłužyŭ apublikavany ŭ internecie videarolik kanfliktu pamiž kiroŭcami dvuch transpartnych srodkaŭ. Udzielniki razborak — miascovy kryminalny aŭtarytet Vadzim Dałacienka i vieteran bajavych dziejańniaŭ, udzielnik abarony Bachmuta Anatol Hančarenka.

Napiaredadni aŭtamabil Hyundai kryminalnaha aŭtaryteta padrezaŭ mašynu, u jakoj jechali baćki Hančarenki, stvaryŭšy takim čynam avaryjnuju situacyju. Baćki raskazali pra vypadak synu.

Syn vyrašyŭ razabracca z kiroŭcam Hyundai. Adšukaŭ aŭtamabil, ale sustrecca z kiroŭcam nie atrymałasia. Tady Anatol źniaŭ z aŭtamabila rehistracyjny znak i źviarnuŭsia praz sacyjalnyja sietki z prośbaj dapamahčy znajści ŭładalnika.

U chutkim časie z Hančarenkam źviazaŭsia Vadzim Dałacienka — kiroŭca Hyundai. Jany damovilisia sustrecca. Razmova pierarasła ŭ bojku.

Na miesca prybyli palicejskija, jakija vyklikali dla Hančarenki chutkuju i apytali ŭdzielnikaŭ kanfliktu. Paciarpieły admoviŭsia ad špitalizacyi i napisaŭ zajavu, u jakoj prasiŭ nie pravodzić dalejšych jurydyčnych dziejańniaŭ i spynić razhlad spravy.

Videa kanfliktu paźniej źjaviłasia ŭ internecie. Na im vidać, jak Dałacienka dvojčy bje Hančarenku, a zatym prymušaje jaho vybačycca za toje, što vajskoviec nibyta źniavažyŭ jaho na ŭvieś horad.

Paśla incydentu Hančarenka zapisaŭ videa z prabačeńniami i zajaviŭ, što ŭ vypadku na darozie vinavatyja jaho baćki. Na tvary mužčyny vidać ślady pabojaŭ.

Vadzim Dałacienka Vadim Dałatienko Vadim Dalatenko
Vadzim Dałacienka. Fota: uniannet / Telagram

Dałacienku nazyvajuć miascovym paŭkryminalnym aŭtarytetam. Jon niekalki razoŭ stanaviŭsia fihurantam kryminalnych spravaŭ za naniasieńnie cialesnych paškodžańniaŭ ci rabavańni.

U sakaviku 2024 hoda mužčyna atrymaŭ hod źniavoleńnia pa spravie ab rabavańni. Ale pakarańnie paźniej było zamieniena na ŭmoŭny termin.

Jak paviedamlajuć miascovyja ŚMI, paźniej z Hančarenkam sustrelisia palicejskija, paśla razmovy ź jakimi jon pahadziŭsia napisać zajavu ab naniasieńni jamu cialesnych paškodžańniaŭ.

Sprava nabyła hramadski rezanans. Jaje razhladali na pasiadžeńni meryi horada. A paśla zvarotu deputata Ukrainy Siarhieja Rudnika da ministra ŭnutranych spraŭ spravu ŭziali pad asabisty kantrol ministra i hienieralnaha prakurora.

Vadzima Dałacienku abviaścili ŭ vyšuk.

Kamientary22

  • Mda
    10.09.2024
    [Red. vydalena]
  • Hala z Kamaroúki
    10.09.2024
    Aútarytet na chundai?😂 Pad Pakroúsk razam z chundajem!
  • Praŭda
    10.09.2024
    Uciakajcie adtul u Jeŭropy i navat nie dumajcie i nie pakutvajcie na zhryzoty sumleńnia . Kali vy dumajecie, što kryvioju i svaim potam na froncie admyjecie hetuju krainu ad šmathadovych raśpiłaŭ, kryminała i ŭłady bandytaŭ, to mnie vas škada.

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku24

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Usie naviny →
Usie naviny

Zialenski: Minabarony Ukrainy raspracoŭvaje śpieckantrakt, kab pryciahnuć u vojska 18-24-hadovych2

U Biełarusi zastalisia tolki šeść pryvatnych damoŭ dla sastarełych

Adamu Maldzisu za try hady na mahile dahetul nie pastavili pomnika14

Biazdomny-erudyt, jaki źnik u Homieli, znajšoŭsia ŭ reanimacyi. Jon viadomy pa błohu papularnaha tyktokiera5

CHAMAS pieradaŭ čarhovych troch zakładnikaŭ Izrailu4

Vaśmikłaśnik vypiŭ na ŭroku mocnaje snatvornaje «dla darosłych» i zasnuŭ2

Jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ» FOTA8

Eduarda Babaryku znoŭ buduć sudzić za «niepadparadkavańnie administracyi». Akazvajecca, jon u turmie ŭ Vaŭkavysku3

Navukoŭcy prydumali, jak zvaryć idealnaje jajka. Ale hety mietad moža vam nie spadabacca6

bolš čytanych navin
bolš łajkanych navin

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku24

Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku

Hałoŭnaje
Usie naviny →

Zaŭvaha:

 

 

 

 

Zakryć Paviedamić