Biełarus źjeździŭ u Hiermaniju ź niamieckim «šenhienam», ale ambasada jamu nie pavieryła i admoviła ŭ nastupnaj vizie
Adzin z čytačoŭ vydańnia «Anłajnier», minčuk Michaił, jak i mnohija biełarusy, źbiraŭsia atrymać šenhienskuju vizu, kab pajechać u adpačynak. Mužčyna padyšoŭ da hetaha davoli adkazna: jašče minułaj viasnoj zapisaŭsia ŭ niamieckuju ambasadu i da listapada 2023-ha atrymaŭ vizu na try miesiacy. Źjeździŭ pa joj u Hiermaniju i amal adrazu ž staŭ u čarhu pa novuju. U kancy lipienia padaŭ dakumienty i praz 10 dzion atrymaŭ pašpart z admovaj. Paznačanaja ŭ vydadzienym listku pryčyna ŭ vypadku Michaiła hučyć absurdna: «Vy nie byli ŭ Hiermanii pa papiaredniaj šenhienskaj vizie».
«Raźličvaŭ jak minimum na hadavuju, a tut takoje. Da taho ž dobra jašče, kali b ambasadu nie zadavoliła kolkaść srodkaŭ na rachunku ci niešta padobnaje, ale atrymać admovu mienavita pa takoj pryčynie — kryŭdna ŭdvaja. Papiaredniuju vizu ja rabiŭ śpiecyjalna dziela pajezdki na futbolny matč «Barusija» — «Bavaryja».
Akramia Dortmunda, udałosia naviedać jašče i Kioln. U ahulnym liku prabyŭ u Hiermanii kala čatyroch dzion, i heta paćviardžajecca pasadačnymi tałonami, kvitkami na hulniu, fatahrafijami. Praŭda, na miescy raspłačvaŭsia ŭ asnoŭnym najaŭnymi, a žyllo braniravaŭ moj spadarožnik na svajo imia. Moža, heta paŭpłyvała… Ale jak? U mianie ni vypiski, ni broni nichto navat nie pytaŭsia!» — razvažaje minčuk.
Michaił vyrašyŭ prosta tak nie pakidać hetuju situacyju i padaŭ apielacyju. Prykłaŭ da zajavy ŭsie najaŭnyja dokazy svajho znachodžańnia ŭ Hiermanii i staŭ čakać adkazu.
Roŭna praź miesiac biełarusu patelefanavali z ambasady, paviedamili, što praz tydzień čakajuć dla ŭklejvańnia ŭ pašpart vizy, usio ž uchvalenaj z druhoha razu.
2 vieraśnia Michaił vyjšaŭ z budynka dypmisii z «šenhienam».
«Dali znoŭ na try miesiacy, — rasčaravana raskazvaje mužčyna. — Tak, pa ciapierašnich časach heta nie tak užo i drenna, ale, pa-pieršaje, u mianie zhareli broni biletaŭ i žylla pad pajezdku, jakuju płanavaŭ pieršapačatkova, pa-druhoje, dziela apielacyi treba było śpiešna pradumvać novaje padarožža.
Mahčyma, doŭhaterminovaja viza akupiła b usie ŭkładańni i niervy, ale ciapier užo nie viedaju, ci varta było jano taho naohuł. Nu, choć by pierakanaŭsia ŭ tym, što apielacyja sapraŭdy pracuje, tak što kali chtości sutykniecca z takoj ža situacyjaj, nie saromiejciesia spračacca z ambasadaj».
«Chutčej za ŭsio heta była adpiska»
Pa kamientar z nahody kiejsa Michaiła «Anłajnier» źviarnuŭsia ŭ vizavaje ahienctva Lime Travel. Usio ž taki situacyja zdajecca niestandartnaj i krychu dziŭnaj. Pa jakoj pryčynie konsuł moža vyrašyć, što vy schłusili ŭ ankiecie, choć usie dokazy advarotnaha jość na rukach? I nakolki časta sustrakajucca niełahičnyja admovy, kali ŭ čałavieka ŭsie dakumienty ŭ paradku i sabranyja pa pamiatcy?
«Usie pastanovy ab admovach u vizie, faktyčna, hruntujucca na subjektyŭnych vysnovach adnaho kankretnaha čałavieka, heta značyć konsuła. Pra toje, što prymusiła jaho takoje rašeńnie pryniać, viedać u padrabiaznaściach, na žal, nichto inšy nie moža. U vypadku Michaiła, chutčej za ŭsio, mieła miesca standartnaja adpiska — prosta nie pašancavała.
Niejkaj kankretnaj statystyki pa niełahičnych admovach niama. Ale tak, jany pieryjadyčna zdarajucca. Naprykład, niadaŭna na hrečaski «šenhien» padavaŭsia baćka razam z trochmiesiačnym synam. Dziciaci vizu pastavili, tatu — admova.
Ci byŭ kiejs ź dziadulem, jaki kožnaje leta na praciahu mnohich hadoŭ jeździŭ u Francyju da blizkich svajakoŭ pa zaprašeńni. Sioleta novy konsuł vizu nie vydaŭ. Na žal, čaściakom hety praces — ruletka».
Kolki biełarusaŭ byli ŭ Jeŭropie za apošnija piać hadoŭ? Navat nie tracina
Minskaja błohierka raskazała, jak biaspłatna atrymała italjanski multyšenhien. Ale hety sposab nie dla ŭsich
Za što mohuć anulavać vizu i adpravić u «vizavy karancin»?
«Ich departujuć, vizy anulujuć». Kala 40 biełaruskich turystaŭ, što jechali ŭ Ispaniju, zatrymali ŭ Hiermanii
Pasolstva Italii vyrašyła praviarać metavaje vykarystańnie viz
Kamientary
Kali padaješ dakumienty pieršy raz, to vialikaja vierahodnaść, što tabie pastaviać vizu karotkaterminovuju, litaralna na čas tvajoj zapłanavanaj pajezdki, i ni dniom bolš. Nu, ci na try miesiacy jakija. A nastupnyja razy ŭžo lahčej dabicca šmatrazovaj.
I voś kali chtości tolki pačynaje hety šlach, to jamu choćki-niachoćki davodzicca źmirycca z tym, što pieršy raz mahčymaje atrymańnie karotkaterminovaj vizy, ale praz heta treba prajści. A kab mieć bolšyja šancy druhi raz, treba pa hetaj karotkaterminovaj vizie niekudy ŭ Niamieččynu źjeździć. I, naturalna, tudy, kudy tabie samomu cikava. Voś hety chłopiec i vybraŭ źjeździć na čatyry dni na futboł. Što ŭ hetym kiepskaha?
A adnosna "siońniašnich navin" - to heta manipulacyja. Va Ukrainie idzie vajna, u Biełarusi lutujuć represii, ale heta zusim nie padstava dla taho, kab zakapvać siabie ŭ ziamlu i nie žyć.