U Tahanrohu zhareli 14 pryparkavanych aŭtamabilaŭ, paškodžańni atrymała pramysłovaje pradpryjemstva, ale paciarpiełych niama. Pavietranuju tryvohu ŭ Tahanrohu abviaścili ŭ 4:30 pa minskim časie, jana dziejničała paŭtary hadziny.
«Pavodle papiarednich źviestak nichto ź ludziej nie paciarpieŭ. Abjom atrymanych paškodžańniaŭ udakładniajecca», — napisaŭ hubiernatar Juryj Ślusar u telehram-kanale.
U 4:30 u Tahanrohu abviaścili pavietranuju tryvohu, mer Śviatłana Kambułava paviedamiła pra ataku bieśpiłotnikaŭ i paprasiła tahanrožcaŭ pryniać miery biaśpieki.
«Pa mahčymaści spuściciesia na nižnija pavierchi, u padvał. Znajdzicie miesca biez voknaŭ, siadźcie na padłohu», — napisała jana. U 6:02 tryvohu admianili.
«Rajon paškodžańnia ačepleny supracoŭnikami palicyi. Budzie praviedziena abśledavańnie terytoryi ŭ radyusie 1 km», — napisała mer.
Miascovyja žychary śćviardžajuć, što atakavany Tahanrohski avijacyjny navukova-techničny kompleks imia H. M. Biaryjeva. Paćviardžeńniaŭ hetaj infarmacyi pakul niama.
Hetaj nočču napadu padvierhnuŭsia i Bransk, tam u vyniku ataki bieśpiłotnika adbyŭsia pažar na vytvorčym pradpryjemstvie, uzharańnie ŭdałosia patušyć.
Sieryja vybuchaŭ adbyłasia i ŭ Branskaj vobłaści. Pra heta paviedamili miascovyja žychary. Pa ich słovach, jany čuli kala 10 vybuchaŭ.
Paśla hetaha pačaŭsia mocny pažar. Paśla ŭłady paviedamili pra 10 bieśpiłotnikaŭ.
Pavodle analizu ASTRA, hareŭ naliŭny punkt naftapravoda «Družba» pobač z Branskam.
Kamientary