Na terytoryi ŭsioj Abchazii spynienaja padača elektraenierhii. Heta adbyłosia praz spynieńnie Inhurskaj HES — adzinaj elektrastancyi ŭ krainie.
Avaryjnaje spynieńnie adbyłosia z-za krytyčna nizkaha ŭzroŭniu vady i jaje niedastatkovaha prytoku.
Hrafiki ŭklučeńnia śviatła dla spažyŭcoŭ u dzionny čas buduć skarekciravany, nočču elektryčnaść pa-raniejšamu budzie padavacca.
«Paviedamlajem Vam ab karekciroŭcy hrafika pracy Inhurskaj HES. Raniej stancyja vydavała mahutnaść da 160 miehavat za hadzinu. U suviazi z techničnymi źmienami, biahučaja maksimalnaja mahutnaść składaje 90 miehavat u hadzinu. Na padstavie hetych źviestak byli ŭniesienyja źmieny ŭ režym pracy stancyi i hrafik padačy elektraenierhii», — havorycca ŭ paviedamleńni, apublikavanym u sacsietkach kampanii «Čarnamorenierha».
Zachodniaja častka Abchazii i stalica Suchumi ŭ asnoŭnym zabiaśpiečvajucca elektraenierhijaj za košt pieratoku z Rasii. Adnak u Respublicy ŭsio roŭna isnuje deficyt enierhii. Z 9 śniežnia padača elektryčnaści ažyćciaŭlałasia tolki dvojčy ŭ dzień, pa dźvie hadziny 20 chvilin (čatyry hadziny 40 chvilin sumarna), i ŭ načny čas.
Zhodna z novym hrafikam, apublikavanym paśla avaryjnaha spynieńnia, čas padačy śviatła skarociać dadatkova. Tak, u častcy Suchumi i Picundzie jaho buduć uklučać mienš čym na try hadziny ŭ dzień sumarna, piša RBK.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach33
Kamientary