Ukraincy padčas apošniaj ataki źbili 102 rakiety i 99 udarnych bieśpiłotnikaŭ. Dva bieśpiłotniki palacieli ŭ Biełaruś
U noč na paniadziełak 26 žniŭnia rasijskija vojski nanieśli mocny kambinavany ŭdar pa abjektach krytyčnaj infrastruktury Ukrainy. Pra jahonyja vyniki paviedamlaje kamandavańnie Pavietranych siłaŭ USU, nazyvajučy hetuju pavietranuju ataku Ukrainy najbolš masiravanaj za ŭvieś pieryjad vajny.
Pavodle paviedamleńnia pres-słužby Pavietranych siłaŭ USU, usiaho radyjotechničnymi vojskami Pavietranych siłaŭ było vyjaŭlena i supravodžana 236 srodkaŭ pavietranaha napadu praciŭnika: 127 rakiet i 109 udarnych BPŁA.
Siarod ich byli 3 aerabalistyčnyja rakiety «Kinžał», 6 balistyčnych rakiet «Iskander-M», 77 kryłatych rakiet Ch-101, 28 kryłatych rakiet «Kalibr», 3 kryłatyja rakiety Ch-22; 10 kiravanych avijacyjnych rakiet Ch-59/X-69; 109 udarnych BPŁA «Shahed-131/136».
Udary rasijanie nanosili jak sa svajoj ułasnaj terytoryi, tak i z terytoryi akupavanych imi ŭkrainskich rehijonaŭ. Pry hetym rakiety puskalisia jak ź ziamli, tak i z samalotaŭ, karabloŭ i padvodnych łodak.
Da adbićcia pavietranaha napadu ŭkraincy zadziejničali ŭsie mahčymyja srodki: avijacyju, zienitnyja rakietnyja vojski, mabilnyja ahniavyja hrupy i padraździaleńni radyjoelektronnaj baraćby.
U vyniku im udałosia źbić 201 pavietranuju cel z 236: 102 rakiety i 99 udarnych BPŁA: 1 «Kinžał»; 1 «Iskander-M», 1 Ch-22, 99 Ch-101, «Kalibraŭ» i Ch-59/69, 99 šachiedaŭ.
Akramia taho, jak paviedamlajecca, niekalki bieśpiłotnikaŭ byli łakacyjna zhublenyja na terytoryi Ukrainy, a jašče dva pierasiekli dziaržaŭnuju miažu ź Biełaruśsiu. Raniej pra mahčymaść zalotu niekalkich rasijskich bieśpiłotnikaŭ u Biełaruś paviedamlała manitorynhavaja hrupa «Biełaruski Hajun».
Jak paviedamiŭ prezident Ukrainy Uładzimir Zialenski, ciapier idzie likvidacyja nastupstvaŭ masiravanaj ataki:
«Na samich abjektach praciahvajecca likvidacyja nastupstvaŭ, ramont, raźminiravańnie. Dzie-nidzie dziaržava-teraryst atakavała hramadzianskija abjekty kasietnymi bojeprypasami. Pavinny papracavać sapiory, pierš čym enierhietyki voźmucca za ramont».
Rakiety i bieśpiłotniki padčas rasijskaj ataki na Ukrainu ranicaj byli naceleny na Kijeŭskuju HES
Unačy kala troch šachiedaŭ mahli zalacieć u Biełaruś — Biełaruski Hajun
U vyniku masiravanaj ataki Rasii paciarpieli 15 abłaściej Ukrainy: jość paranienyja i zahinułyja
Rasijanie nanosiać mahutnyja ŭdary pa ŭkrainskaj enierhietycy
U Kramatorsku zahinuŭ daradca Reuters
Pa ŭsioj Ukrainie abvieščanaja pavietranaja tryvoha: bolš za dziasiatak Tu-95MS vyjšli na puskavyja rubiažy
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi6
Kamientary