Jakaja abstanoŭka z čerhami na miežach Biełarusi ranicaj u subotu?
Sajt Pamiežnaha kamiteta pa stanie na 08:00 daje nastupnyja źviestki.
Na pamiežnym pierachodzie «Brest» na polskaj miažy staić 65 aŭtobusaŭ (u čaćvier dachodziła da 108) i 300 lehkavikoŭ.
Na litoŭskaj miažy ŭ Kamiennym Łohu čarhi z aŭtobusaŭ pierad zajezdam u zonu čakańnia niama, ale staić 20 lehkavikoŭ.
U Bieniakoniach čerhaŭ z aŭtobusaŭ i lehkavikoŭ niama, paviedamlaje Pamiežny kamitet.
U Hryharaŭščynie na łatvijskaj miažy taksama čerhaŭ ź lehkavikoŭ i aŭtobusaŭ niama.
Razam z tym telehram-kanał «Minsktrans. Mižnarodnyja maršruty» paviedamlaje, što aŭtobus Varšava — Minsk adpraŭleńniem z Varšavy a 7.00, pajedzie sa stalicy Polščy tolki a 13-j (pryčyna praciahłaje prachodžańnie miežaŭ).
Pasažyry na 21.00, 23.00, 7.00, 12.00 pry najaŭnaści svabodnych miescaŭ mohuć ažyćciavić pasadku ŭ aŭtobus AS 5163-7.
Aŭtobus pa maršrucie Minsk — Vilnia (što vyjechaŭ ź Minska ŭ 1.50) zaraz staić na vyjeździe ź litoŭskaj miažy ŭ bok Vilni, adpraŭleńnie ź Vilni ŭ jaho było zapłanavana na 8.00.
Kamientary